Juan 1:29 - Tagbanwa

²⁹ Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 1:29 Iomraidhean Croise

Isaias 53:10

Temed talagang pabetang-betang it AMPUꞌANG DIYUS nga pakuriꞌan baw imatayen ngaytu kanya. Sabap in buwaten kanya nga salisi nga ipagꞌangut it kapasinsiyaan it kasalaꞌan, baraꞌan ya, paꞌlayen nang banar kanya baw maltegan ya nga dumakel i mga tungtung-inapuꞌ ya. Baw, kat mga buwaten ya, matuman nga banar i kumpur ipiyabetang-betang it AMPUꞌANG DIYUS.

Isaias 53:11

Maat it Ampuꞌang Diyus, “Pagkatupus it kakuriꞌan, magantiyan siꞌ it kasagyaan, sabap matantuwan ya nga ega desang kaꞌuruꞌ-uruꞌan i siyagkaꞌan ya nga kakuriꞌan. Kat kamatuudan nga pagkilala it aken it manigsirbi ku ngaytu nga mataldeng, dakel nga taw i buwaten ya nga mataldeng kat panleteg ku. Sabap tanggungun ya i mga kasalaꞌan nira.

Isaias 53:7

Talagang piyabastantiyan kanya it pasakit baw pakuriꞌ, temed egay daꞌawa ya nga maski sang tagaꞌ. Mapiyalulus kanya nga subung it tupa nga pagtabanen na duꞌun it iꞌimatayan ka karniꞌen. Subung kanya gasiꞌ it uꞌuybun it tupa nga egay riꞌe-riꞌeng maski buꞌlugan. Ka kanya, ega nabngaꞌ i baꞌbaꞌ ya it maski sang tagaꞌ nga pamasul.

Zacarias 13:1

Maat pay paꞌugdun it AMPUꞌANG DIYUS, “Kat aldaw ngayan, paburusun kuy tumbud nga ipaglimpiyuꞌ it kasalaꞌan baw karaꞌe-raꞌetan it muꞌsang mga kaduguꞌ-duguꞌan ni David, baw mga magtataꞌid duꞌun it Jerusalem.”

Mga Bilang 21:9

Aypaꞌ binwat nga matuud ni Moises i itiꞌen ngayti. Garing sikayti, kada matundaꞌ it dalitan ngayting dukul, basta timingaraꞌ lamang duꞌut tumbaga ngayting dukul, ega nga matuud magpatay, maꞌgen naga.

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 20:28

Subung it aken nga Taga Langit nga Ipiyanganak it Taw. Naꞌasitu aku, ega maat isaꞌun pagsirbiyan it beken, in daꞌga aku i magsirbi baw ipagtas kuy ginawa ku nga yay itanggung it kasalaꞌan it kadaklan.”

Juan 1:35

Pagꞌeyag siꞌ, duꞌun siꞌ na Juan baw duwa nga mga alagad ya.

Juan 1:36

Naltegan ya siꞌ si Jesus nga magpanaw. Pagkalteg ya, maat ya, “Wayan siꞌ kanya nga ibinggay it Ampuꞌang Diyus, nga subuk uꞌuybun it tupa nga ipagsalisi.”

Juan 1:43

Pagꞌaldaw siꞌ, napikir ni Jesus nga paGalilea. Parabir napanaw tiyulus ya daꞌan i esang taw nga pagpangaranat ki Felipe, nga taga Betsaida, nga kabanwa na Andres duwa ni Simon ngayti. Pagkaparag ya inaat ya, “Felipe, mayaꞌ kat aken ka alagad ku na ikaw.”

Juan 2:1

Pagꞌikatlung aldaw, may pagsadu duꞌun it Cana nga sakep it Galilea. Nagparagiꞌ i inaꞌ ni Jesus.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Juan 4:42

Maamaatan sirat babay ngayti, “Magpamayaꞌ kami na kayti, it ega lamang duꞌun it mga nasugid mu ngayti, in daꞌga duꞌun nat mga nagnegan namen ngaytu duꞌut kanya, natantuwan namen nga kanya na ngaytu i Manriribri it muꞌsang katataawan.”

Juan 6:51

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Mga Binwat 13:39

Muꞌsa nga mamayaꞌ baw sumarig it kanya, pasinsiyaen i muꞌsang mga kasalaꞌan nira. Temed egay taw nga maribri kat ukuman it Ampuꞌang Diyus in yay pagsarigan ya, pagsunud yat mga urdin ni Moises, ka pirming kurang i pagsunud ta it mga urdin ngayti.

Mga Binwat 8:32

Ituy naꞌbutan ni Felipe nga pagbasaen it taga Etiope ngayti, isiyurat ngaytu ni Isaias nga magꞌaat, “Mapiyalulus kanya, nga subung it tupa nga pagtabanen na duꞌun it iꞌimatayan ka karniꞌen. Subung kanya gasiꞌ it uꞌuybun it tupa nga egay riꞌe-riꞌeng maski buꞌlugan. Ka kanya, ega nabngaꞌ i baꞌbaꞌ ya it maski sang tagaꞌ nga pamasul.

1 Corinto 15:3

Sabap ipiyangadal kut imyu i talagang piyakaꞌimpurtantiꞌ nga mga ipagpangadal, nga ipiyangadal gasiꞌ it aken. Ipagpangadal ngaytu, natay si Cristo ka tiyanggung yay mga kasalaꞌan tami kat pagtuman it isiyurat nga ampang it Ampuꞌang Diyus.

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Galacia 1:4

kanya nga isiyalisi yay bilug ya kat aten nga mga kasalaꞌan isaꞌun mabilwat ya kita kat pamegbeg it karaꞌe-raꞌetan nga magsasakep it banwa kat timpu ngaytu. Binwat ya ngaytu, pabetang-betang nagat Ampuꞌang Diyus nga Amaꞌ tami.

Galacia 3:13

Temed kayti, ipiyagribri ta na ni Cristo kat panriga it Ampuꞌang Diyus, panriga yat mga ega ngaytu magkasunud it kaꞌustuꞌan i mga urdin. Ka imbis kita, si Cristo ngaytu i riniga it Ampuꞌang Diyus sabap it kasalaꞌan tami, subung nagat magsusurat nga magꞌaat, “Siyu-siyu nga pangimatay it kanya, ipaggantung duꞌun it kayu nga ipagrugsuk, naꞌiguꞌ it isiyumpa it Ampuꞌang Diyus nga panriga.”

1 Timoteo 2:6

Kanya ngaytu, ipiyagtas yay ginawa ya, nga sikayan tiyanggung yay kasalaꞌan it muꞌsang taw. Iti, binwat ya ngayting panribri, i magpamatuud kat ipiyabetang-betang nga timpu, nga talagang ireg it Ampuꞌang Diyus nga maribri i katataawan.

Tito 2:14

Nangganti kanyat aten isaꞌun iribri ya kita kat pagsakep it karaꞌe-raꞌetan, baw isaꞌun mabwat ya kita nga limpiyuꞌ na nga naꞌawaꞌ nay kasalaꞌan tami. Binwat yaytu isaꞌun mabwat ya kita nga kanya talaga nga mga taawan, nga maꞌireg nga banar muwat it mga buwat nga magagayen.

Hebreo 1:3

Duꞌun it Anak ya subuk magsingkar i kabantugan it Ampuꞌang Diyus sabap in magꞌuꞌunu i Ampuꞌang Diyus, atkayan nagay Anak ya ngaytu. Kat keseg it ampang it Anak ya ngaytu, kanya na i magꞌaꞌalima baw magtaban it muꞌsang bagay. Pagkabwat yat panlimpiyuꞌ it kasalaꞌan it taw, miyadung na kanya duꞌun it iwanang ayun it landaw nga gunaan nga Ampuꞌang Diyus nga duꞌun it langit.

Hebreo 2:17

Aypaꞌ, isaꞌun katabang kanya nga matuud, kiyaꞌilangan yang magbalyu nga taw isaꞌun makasbung kanya it aten nga mga sulsug ya kat muꞌsa nga magkapasaran. Ka in atkayan, in duꞌun kanyat adapan it Ampuꞌang Diyus nga magbuwat it buwat it Piyakamataꞌas nga Sasirduti, maꞌildaw kanyang banar it aten baw ega talagay kurang it pagsirbi ya duꞌun sabap, kat kamataynen ya, binwat yay panalisi nga ikapasinsiya nga matuud it kasalaꞌan it mga taw.

Hebreo 9:28

Ta, atkayan naga, kaꞌsa lamang gasiꞌ binwat si Cristo nga panalisi, isaꞌun matanggung ya i kasalaꞌan it katataawan. Baw paꞌuliꞌ naga kanya situ, takaꞌ ega na maat isaꞌun tumanggung it kasalaꞌan it taw, in daꞌga mamisiꞌ manat kumpur magpaꞌbut it kanya, ka timpu nat kakumplituwan it karibriyan nira.

1 Pedro 1:19

In daꞌga iyan ega basta-bastang duguꞌ ni Cristo nga ipiyaturuꞌ ya, yay ikiyaliꞌwan mi. Ka kabilangan ya, isiyalisi nga uꞌuybun it tupa nga egay maski unu nga rindi it bilug.

1 Pedro 2:24

Kanya mismu i timnanggung it muꞌsang kasalaꞌan tami, kat nalabayan yang kamataynen ya duꞌun it krus. Binwat yaytu isaꞌun indiꞌan ta na i muꞌsang ipagkasalaꞌan tami, baw mangaꞌgenan na it purus mataldeng nga pagbuwaten. Yay matuud, sabap lamang it ega teꞌe-teꞌeng nga pasakit nga tiyanggap ni Cristo, naꞌubaꞌubat nay mga kasalaꞌan tami.

1 Pedro 3:18

Subung it ki Cristo nga, maski egay kakasalaꞌan ya, temed piyakuriꞌan kanya nga inimatay sabap it aten nga makasalaꞌan. Kat kaꞌsa lamang ngayti nga binwat ya tiyanggung yay kasalaꞌan tami isaꞌun makapaꞌuliꞌ ya tami duꞌun it Ampuꞌang Diyus. Natay talagay bilug ya temed inggen naga kanya it guna it Espiritu Santo.

1 Juan 2:2

Ka si Jesus ngaytu, binwat kanya nga panalisi, isaꞌun matanggung yay mga kasalaꞌan tami. Tiyanggung ya ngaytu nga kasalaꞌan, ega maat aten lamang, in daꞌga kasalaꞌan it muꞌsang taw situt sinirungat langit.

1 Juan 3:5

Magkaꞌrutan mi nga piyalampud na pasiꞌ si Jesu-Cristo situt banwa isaꞌun matanggung ya nay mga kasalaꞌan ta. Baw kanya, talagang egay kakasalaꞌan.

1 Juan 4:10

Itu naytuy matuud nga pagmaꞌal, ega maat aten nga pagmaꞌal it Ampuꞌang Diyus, in daꞌga kanya ngaytung pagmaꞌal nga may raras it aten. Ka piyapaꞌasitu yat aten i Anak ya nga buwaten nga panalisi, isaꞌun mapasinsiya it aten i mga kasalaꞌan tami.

Mga Ipiyalteg 1:5

Kanya ngaytung si Jesu-Cristo, purus kamatuudan i kumpur ipagpamatuud ya. Iti, inggen kanyat Ampuꞌang Diyus it paꞌuliꞌ. Talagang kanya i piyakamataꞌas kat muꞌsang egnen paꞌ it paꞌuliꞌ. Baw kanya ngaytu i magbebegbeg it maski siyung magsasakep nga subuk mga adiꞌ situt sinirungat langit. Sana bantugun tami si Jesu-Cristo, nga magraras talaga it aten. Sabap kat kamataynen ya, nga ipiyaturuꞌ yay duguꞌ ya, ipiyaliꞌwan ya na kita kat panguripen it kasalaꞌan.

Mga Ipiyalteg 12:11

Diyaꞌeg si Satanas it mga kasulsugan tami ngayti kat keseg it ipiyaturuꞌ nga duguꞌ it paꞌaaten nga Uꞌuybun It Tupa baw kat pamatuud nirat kamatuudan pasar it kanya ngayting si Jesu-Cristo. Ka ega talaga riyarasan niray ginawa nira, sabap lamang it pamayaꞌ nirat kanya.

Mga Ipiyalteg 13:8

Aypaꞌ sambaen kanyat muꞌsang katataawan situt sinirungat langit, puyrat iyan mga taw nga, parabir giyuna i banwa, mamagsusurat na i mga ngaran nira duꞌun it pagsusuratan it mga ngaran it kumpur mabgayan it kaꞌgenan nga egay kaskedan. Itung kasuratan, pagꞌaꞌarigraen it paꞌaaten nga Uꞌuybun It Tupa nga inimatay it tagnaꞌ.

Mga Ipiyalteg 14:1

Pagleteg ku siꞌ, naltegan kuy paꞌaaten ngayting Uꞌuybun It Tupa, nga magtitindeg duꞌun it Mungsuꞌ it Sion. Kaꞌibaan ya, sang gatus baw epat nga puluꞌ may epat nga ribung kataawan. Magsusurat duꞌun it peges it mga taw ngayti i ngaran it Uꞌuybun It Tupa ngayti baw ngaran gasiꞌ it Ampuꞌang Diyus nga Amaꞌ ya.

Mga Ipiyalteg 14:10

siguradu nga malabayan niray iseg it Ampuꞌang Diyus nga ipiyagꞌareg ya nga egay maski unu nga uyut nga ildaw. Pakuriꞌan sira talaga duꞌun it apuy nga may asupri, kat adapan it paꞌaaten ngaytung Uꞌuybun It Tupa baw mga anghil it Ampuꞌang Diyus.

Mga Ipiyalteg 14:4

Mga taw ngayti, ega simnalya manriꞌe-riꞌeng it maski siyu nga babay. Mamagbaya-bayaꞌ sirang pirmi it paꞌaaten ngayting Uꞌuybun It Tupa. Talagang kat muꞌsang katataawan, napiliꞌ sira nga subuk inalang, nga sira, mga taawan na it Ampuꞌang Diyus. Baw kabilangan nira, subuk uꞌnang lutuꞌ nga tirigu nga ipagpasalamat duꞌun it Ampuꞌang Diyus baw Uꞌuybun ngaytit Tupa.

Mga Ipiyalteg 15:3

Pagkantaꞌen niray kantaꞌ ni Moises nga esang manigsirbi it Ampuꞌang Diyus it tagnaꞌ paꞌ, baw kantaꞌ it paꞌaaten ngayting Uꞌuybun It Tupa, nga magꞌaat, “Ampuꞌang Diyus nga landaw nga gunaan, mabantug baw kalililuꞌan i mga buwat mu. Ikaw nga Adiꞌ it muꞌsang bangsa, mataldeng baw kamatuudan i mga ipiyabetang-betang mu.

Mga Ipiyalteg 17:14

Ka giraen niray paꞌaaten ngaytung Uꞌuybun It Tupa, temed daꞌgen ya naga sira pati ramu-ramu ngayti. Sabap paꞌaaten ngaytu nga Uꞌuybun It Tupa, kanya i Ampuꞌan it muꞌsang mga agalen baw Adiꞌ it muꞌsang mga adiꞌ. Makaꞌuyut it pandaꞌeg ya ngaytu i mga piniliꞌ baw ipiyapinpin ya nga mga taawan ya nga masunud it kanya.”

Mga Ipiyalteg 19:7

Aypaꞌ ka sumagya tami it dakulang kasagyaan baw bantugun tami i keseg it guna ya. Ka miyabut na nga subuk mangasawa nay paꞌaaten ngaytung Uꞌuybun It Tupa. Nakaꞌalistu na i subuk asawaen ya ngayti.

Mga Ipiyalteg 19:9

Bawnga inaat akut anghil, “Isurat muytu. Magkasagya i piniliꞌ nga makaꞌuyut it paꞌaaten ngayting pagsadu it subuk pangasawa it paꞌaateng Uꞌuybun it Tupa.” Paꞌugdun ya paꞌ, “Matuud tu nga ampang it Ampuꞌang Diyus.”

Mga Ipiyalteg 21:14

Baw may sang puluꞌ baw duwa gasing batu i batu nga papaꞌgen it kutaꞌ it siyudad ngayti. Magsusurat gasiꞌ duꞌun i mga ngaran it sang puluꞌ may duwang apustul it paꞌaaten ngaytung Uꞌuybun It Tupa.

Mga Ipiyalteg 21:27

Temed talagang ega makasled duꞌun i maski unu nga maraꞌway kat panleteg it Ampuꞌang Diyus, maski siyu nga magbuwat it kaꞌeyaꞌ-eyaꞌ u maski siyu nga maꞌambut, in daꞌga iyan lamang magsusurat i ngaran duꞌun it pagsuratat kumpur mabgayan it kaꞌgenan nga egay kaskedan, nga kasuratan ngaytu pagꞌaꞌarigraen it paꞌaaten ngaytung Uꞌuybun It Tupa.

Mga Ipiyalteg 21:9

Ta, bawnga minlep duꞌun it aken i esa kat pitu ngayting mga anghil nga teptep ngaytit pagseskelen nga karung nga betang ya, kiyaꞌpusan nga pitung panalakep. Maat yat aken, “Paꞌasini ka, ka ipalteg kut imu i asawaen it paꞌaaten ngaytung Uꞌuybun It Tupa.”

Mga Ipiyalteg 5:6

Ta sakaliꞌ nga may naltegan ku nga esang Uꞌuybun It Tupa, nga magtitindeg duꞌun it piyagtengaꞌan it mga magugurang ngayti baw araꞌdungan ngaytit adiꞌ nga paglilibutun it epat ngayting may ginawa nga giyuna. May mga barnaꞌ na nga magpamatuud nga naꞌimatay nay iti nga Uꞌuybun It Tupa. Pituy tanduk ya baw pituy mata nga iti, ladawan it Espiritu Santo nga tiyaꞌeg it Ampuꞌang Diyus nga lemkep situt sinirungat langit.

Mga Ipiyalteg 5:8

Pagkawaꞌ yat iti ngayti, namagpanluud baw itinꞌem i rupa it epat ngayting may ginawa nga giyuna baw duwang puluꞌ may epat ngayting mga magugurang, nga kada esat kanira may sekel nga turugtugun nga alpa, baw magseskel gasiꞌ it karung nga bulawan nga magpupnuꞌ it kamangyan. Iti ngayti nga paꞌaaten, mga panalangin it mga taawan it Ampuꞌang Diyus.

Mga Ipiyalteg 6:1

Ta naltegan ku nga iniriꞌ nat paꞌaaten ngayting Uꞌuybun It Tupa i esang papaꞌnget it kasuratan ngayti nga pagluulunun. Dengan it nagnegan ku nga miyampang i esa ngayting may ginawa nga giyuna. Miyampang kanya nga atnat pamsar it duldug i kadadakulaꞌ. Maat ya, “Daliꞌ na!”

Mga Ipiyalteg 6:16

Pagsekaten nat mga katataawan ngayti i mga bukid baw mga batu nga magꞌaat, “Sigi, taburan mi na kami, isaꞌun malingeb kami, nga daꞌna maltegan it magꞌaꞌdung ngayan asat araꞌdungan it adiꞌ, baw isaꞌun gasiꞌ ega na masalapuꞌ namen i iseg it paꞌaaten ngayang Uꞌuybun It Tupa.

Mga Ipiyalteg 7:14

Katubag aku, maat ku, “Tabing galang it imu, taꞌway. Ega magkaꞌrutan ku in ari piyamaggaringan kayan. Siguru ikaw yan i magꞌuꞌrut.” Maat ya siꞌ it aken, “Sira ngayan, iyan i nakalabay it dakulaꞌ talagang kakuriꞌan, temed maski atkayan, daꞌsira nangindiꞌ, naneꞌteꞌ i pamayaꞌ nira. Talagang linimpiyuꞌ nira baw piyaputiꞌ it duguꞌ it paꞌaaten ngaytung Uꞌuybun It Tupa i mga pakayan nira ngayan.

Mga Ipiyalteg 7:17

Sabap kanya ngaytung paꞌaaten nga Uꞌuybun It Tupa nga situt tepad it araꞌdungan ngaytut adiꞌ, kanya ngaytuy marigra nat kanira. Talagang tabanen ya na sira duꞌun it pagtumbudan it danum nga magbegay it kaꞌgenan. Baw daꞌnay tumuruꞌ nga luwaꞌ kat mga mata nira ka subuk panisen nat Ampuꞌang Diyus, ka awaꞌen ya nay kasmek nira.”