Juan 1:25 - Tagbanwa

²⁵ iningkut nira siꞌ si Juan ngayti, “Ta unuka magpamawtis ka it ega naga palan Cristo ka, nga Manriribring Adiꞌ ngayang isiyanggup it Ampuꞌang Diyus, daꞌka naga gasiꞌ si Elias baw daꞌka naga Prupitaꞌ ngayan nga paꞌaaten?”

Juan 1:25 Iomraidhean Croise

Mateo 21:11

Tumubag i kadakel ngayti nga mamagbayaꞌ it ki Jesus, “Bilaꞌ, si Jesus ngayan bang prupitaꞌ nga taga Nazaret nga sakep it Galilea.”

Mateo 21:23

Siminled siꞌ si Jesus duꞌun it Templo. Desang magpanulduꞌ na kanya, minlep duꞌut kanya i mga pagbayaꞌen it mga sasirduti baw mga mataꞌas nga ginuꞌu it mga Judio. Iningkut kanya nga magꞌaat, “Unuy pudir mu nga muwat ka it mga itu ngaytu? Siyuy minggay it imu it itung pudir?”

Mateo 3:6

Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Juan 1:24

Iyan mga mamagꞌingkut ngayti, nga mga Pariseo nga tiyaꞌeg it mga kaꞌibaan nira,

Mga Binwat 5:28

“Daꞌga basaꞌan”, maat ya, “maseked-seked nga piyaar namen na kamu nga ega na ipanulduꞌ mi i pasar it iyang taw? Temed magꞌeꞌget kamu ga. Ilingkep mi nat Jerusalem i panulduꞌ mi ngaytu, baw ireg mi pang ipabekbek it amen i sabap it kamataynen ya.”

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.

Deuteronomio 18:18

May ipatindeg ku kat mga kabilug nira nga esang prupitaꞌ nga subung nagat imu. Ipanakem ku it kanya i ipagpaꞌampang ku it kanya. Bawnga kumpur ipagꞌurdin ku, isugid yat imyu.’