Juan 1:19 - Tagbanwa

¹⁹ Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 1:19 Iomraidhean Croise

Juan 1:7

Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Juan 10:24

Liniputan kanya it mga Judio baw inaat nira kanya, “Seked it kaꞌnu baytu paglibegen muy pikir namen? Kaꞌilangan in talagang ikaw nay Cristo ngayang isiyanggup nga Manriribring Adiꞌ, irapar mu na.”

Juan 10:31

Pagkagneg it mga Judio ngayti, nagsigkuꞌmit siꞌ sirat batu, ka pagkubatuun nira siꞌ kanya.

Juan 11:19

baw dakel nga mga Judio i naꞌaduꞌun it kana Marta ngayti duwa ni Maria, ka magbanga-bangay it kanira sabap it sulsug nira ngayting natay.

Juan 2:18

Ta, it atkayti i binwat ni Jesus, iningkut kanya it mga pagbayaꞌen it mga Judio, “Unuy tandaꞌanan nga makapalteg mut amen nga kalililuꞌang bagay, nga kamatuudan it may pudir mu it muwat it atkaytu?”

Juan 2:20

“Unu,” maat i mga Judio ngayti, “ipaꞌuliꞌnan mu it tulung aldaw lamang it beteꞌ epat nga puluꞌ baw enem baytung taꞌun i kaꞌlay it binwatan bawnga naꞌman i balay ngaytu nga papagsambaan?”

Juan 5:10

Aypaꞌ ka inaat it mga pagbayaꞌen it mga Judio i lalaki ngayti nga piyagayen ni Jesus i sarut ya, “Unuka pagpiri-pirisiꞌnen mu i pagliliꞌtidan mu ngayan? Daꞌga basaꞌan pagliꞌyan i atkayan in Aldaw ngaytut Kapaꞌnaan ka kuntraꞌ it urdin?”

Juan 5:15

Nanliꞌwan i lalaki ngayti ka nanugid duꞌut mga Judio ngayting mamagꞌingkut nga palan si Jesus i nagpagayen ngaytit kanya.

Juan 5:16

Ta paribasay binwat ni Jesus i atkayti kat Aldaw it Kapaꞌnaan, timnalaluꞌ nay kupakuriꞌ it mga pagbayaꞌen it mga Judio it ki Jesus ngayti.

Juan 5:18

Pagkagneg it mga Judio ngayti, miyereꞌeret nay iseg nira. Kuꞌimatayen nira nang banar si Jesus, sabap ega lamang riyanggaꞌ yay urdin nira pasar it Aldaw it Kapaꞌnaan, in daꞌga pagꞌaaten ya paꞌ nga Amaꞌ yay Ampuꞌang Diyus, intuntis nga magpasbung kanya it Ampuꞌang Diyus.

Juan 6:41

Pagkagneg it mga Judio kayti, remeteng-retengan sira sabap it iti nga inaat ni Jesus ngayti nga magꞌaat, “Aku i pangaꞌen nga limnampud nga garing duꞌut langit.”

Juan 6:52

Sabap siꞌ it iti nga inampang ni Jesus nagdaꞌe-daꞌegen siꞌ i mga Judio, ka maamaatan sira, “Magꞌuꞌunu ibgay it itung taw i bilug ya nga kaꞌnen tami?”

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Juan 7:11

Duꞌun it pistaꞌan, pagtulusun kanya it mga Judio. “Ariyen bay taw ngayan?” maat nira.

Juan 7:15

Naliluꞌ i mga Judio. Maamaatan sira, “Ari garing it kiyaꞌrutan it itung taw it ega naga nakapagꞌadal kanya?”

Juan 8:22

Pagkagneg nira, namagrunding na sira, nga magꞌaat, “Barang sayan mangeget kanya. Yay paꞌaaten ya ngayang daꞌta kapaꞌaduꞌun it aduꞌunan ya ngayti.”

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”

Juan 8:52

Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?

Juan 8:57

Sabap siꞌ it iti ngayting inampang ni Jesus, inaat siꞌ kanyat mga Judio, “Ega pay limang pulung idad mu! Ta unuy ikiyalteg mut ki Abraham?”

Mga Binwat 13:25

Iyan magkatiwas na ni Juan ngayti i kanyang buwaten, maat ya siꞌ it mga taw, ‘Siyu aku kat tandes mi? Barang, kat pasepsep mi, aku nay Manriribri. Yay matuud, daꞌku baytu kanya. Temed ega maꞌlay, mabut na kanya. Baw talagang kanya, landaw paꞌ it aken. Kamatuudan, maski muꞌbad it seget it talumpaꞌ ya, ega mapakay nga mabwat ku, ka subrang banar i kataꞌasan ya.’

Mga Binwat 19:4

Tiyubag sira ni Pablo, nga maat ya, “Iyan pagbawtis ni Juan, magsugid it, taw nga magpabawtis, nagsinguliꞌ nat mga kasalaꞌan ya. Temed daꞌga baꞌ ipagpanulduꞌ gasiꞌ ni Juan nga kaꞌilangan mamayaꞌ ta it kanya nga magsusunud it ki Juan ngayti? Paꞌaaten ya ngayti, si Jesus.”

1 Juan 1:5

Ituytu i ampang ngayan nga nagnegan namen duꞌun it Anak it Ampuꞌang Diyus nga ipagsugid namen it imyu. Iyan Ampuꞌang Diyus, kabilangan ya, maꞌyag nga tidaw. Egay maski unu nga madlem duꞌun it kanya.