Juan 1:18 - Tagbanwa

¹⁸ Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 1:18 Iomraidhean Croise

Genesis 16:13

Ta, binwat ni Agar ngayti, piyangaranan yay Ampuꞌang Diyus. Pangaran ya, si El Roy, nga ireg sugiden, Ampuꞌang Diyus nga maglelteg. Ka maat ya, “Nakalteg aku palan it Ampuꞌang Diyus nga maglelteg it aken.”

Genesis 18:33

Pagkatupus kayti it iting mga sugi-sugid nira, gimnaring nay AMPUꞌANG DIYUS. Ki Abraham, nagpaꞌuliꞌ na.

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 12:41

Inampang ni Isaias i atkayti sabap it ipiyalteg it kanya in sang unuy kabantugan it mabut nga Cristo, aypaꞌ inampang yay atkayti pasar it kanya.

Juan 13:23

Iyan esa nga alagad nga talagang pagmaꞌa-maꞌalen ni Jesus, magꞌaꞌdung duꞌun it tepad ya.

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 17:26

Ipiyakilala ku na ikaw sinit kanira baw tamaran ku pay pakilala ngaytu isaꞌun, in magꞌuꞌunu pagmaꞌalen mu aku, atkayan nagay pagmaꞌal nira. Baw beken, isaꞌun aku nagay kaꞌibaan nirang pirmi kat Espiritu Santo nga pasarum duꞌut kanira.”

Juan 17:6

“Ipiyakilala ku ikaw kat mga taw nga ibinggay mut aken kat kadaklan sinit banwa ngayni. Sira ngaytu, imu. Ibinggay mu lamang it aken, baw pagsunudun niray mga ampang mu.

Juan 3:11

Kamatuudan i ipagꞌaat kut imu. Itu ngaytung ipagpamatuud namen it imyu, talagang magkaꞌrutan baw naltegan namen. Temed ta, daꞌga pagpamayaꞌnen mi i pamatuud namen ngaytu.

Juan 6:46

Egaytu ireg sugiden may nakalteg na it Amaꞌ, ka iyan lamang gimnaring duꞌun it Ampuꞌang Diyus i nakalteg it Amaꞌ ngaytu.

2 Corinto 4:4

Itung mga taw, daꞌsira magpamayaꞌ sabap, mga pikir nira, piyadlem ni Satanas, kanya nga magpaDiyu-Diyus situt sinirungat langit ngaytu. Pagpadlemen yay pikir nira isaꞌun ega masepsepan nira i kaꞌyagan it Magayen ngaytung Baritaꞌ sabap it kabantugan ni Cristo, kanya nga ladawan it Ampuꞌang Diyus.

Colosas 1:15

Duꞌut ki Cristo ngayti ipiyalteg nat aten in magꞌuꞌunu i Ampuꞌang Diyus nga ega magkaltegan. Baw may kataꞌasan ya nga subrat kataꞌasan it muꞌsang mga giyunang bagay nga may ginawa, subung nagat kataꞌasan it panganay nga anak kat mga ariꞌ ya.

1 Timoteo 1:17

Aypaꞌ bantugun baw galangen it egay katupusan i Adiꞌ tami nga egay pinꞌunan, egay kaskedan, kanya nga egay kamataynen, nga ega magkaltegan it mata ta. Kanya lamang i Ampuꞌang Diyus, ega nay beken. Kamatuudan tu.

1 Timoteo 6:16

Baw Ampuꞌang Diyus lamang i egay pinꞌunan, egay kamataynen. Talagang kasisilaw nga banar i pagtataꞌidan ya, nga ega mapatpadan it taw. Baw egay taw nga nakalteg it kanya. Yay matuud, ega magkaltegan kanya it maski siyung taw. Dapat galangen kanya seked it kaꞌnu-kaꞌnu baw kilalaen i keseg it egay kaskedan nga guna ya. Kamatuudan tu!

1 Juan 4:12

Garing it tagnaꞌ paꞌ, egay nakalteg it Ampuꞌang Diyus. Temed in talagang may raras ta nat esa may esa, maꞌyag nga magsasarum na talaga situt aten i Ampuꞌang Diyus ngaytu, baw kiyumplitu ya na i raras ta ngaytu.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

1 Juan 4:9

Eeꞌ baꞌ, talagang ipiyalteg nat Ampuꞌang Diyus i kadakulat raras yat aten, iyan ipiyalampud ya na ngayan situt denaꞌ i Anak yang paeꞌesa-esa nga egay kasbung, nga tumanggung it kasalaꞌan ta, isaꞌun mabgayan ya kita it kaꞌgenan nga egay kaskedan.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.