Juan 1:13 - Tagbanwa

¹³ Ega maat naꞌanak sirat Ampuꞌang Diyus sabap it ipiyanganak ya sira nga subung it panganak it taw u sabap it adat u kaꞌirgan it nagꞌasawa, in daꞌga naꞌanak sira kat kaꞌirgan it Ampuꞌang Diyus.

Juan 1:13 Iomraidhean Croise

Genesis 25:22

Iyan dakulaꞌ nay beteng ya, duwa i magkabatiꞌan ya nga magkuliꞌget. Temed pangalabtaꞌ nira, siyang, ka subuk magraraꞌet. “Unuka,” maat ya, “atkaytuy kabetangan ku?” Egay beken, ipiyanalangin ya duꞌun it AMPUꞌANG DIYUS.

Genesis 25:28

Pagdiyu-diyuun nga banar ni Isaac si Esau ngayti, ka pirmi kanya nga magkakaꞌen it lulugitmen. Ki Rebeca, iyan i kanyang pagdiyu-diyuun nga banar, si Jacob.

Genesis 27:33

Pagkagneg ni Isaac, talagang nabiglaꞌ kanya, baw egay kasubraꞌ it yegyeg it bilug ya. Maat ya, “Ta, ay siyu ga bay kagaynang timnaban nat nalugitem ya situt aken? Ega paytu naꞌlay i pagkakaꞌen ku baw pagkatupus kut mampang it ampang nga paꞌildaw. Eeꞌ baꞌ, ega na mabaiꞌ i ampang ngayan. Talagang matuman duꞌut kanya i kagayenang inaat ku.”

Genesis 27:4

In may mapisiꞌ mu, ilutuꞌan mu akut kaꞌiꞌirgan ku ngayang pangilutuꞌ. In malutuꞌ mu na, tabanen mu lamang situt aken ka kaꞌnen ku. Pagkakaꞌen ku, iꞌampang ku na kat bilug mu i ampang nga paꞌildaw parabir aku matay.”

Mateo 3:9

Ega kesgat nakem mi nga maat mi mga tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

1 Corinto 3:6

Ka, kaꞌalimbawaan ya, aku i liminwak, si Apolos i manigbuꞌbuꞌ it danum. Temed Ampuꞌang Diyus i nagpatubuꞌ baw nagpakseg.

Filipos 2:13

Sabap Ampuꞌang Diyus ngaytu i magpanakem it imyu it makusunud baw magbegay it imyu it kakayaan nga mabwat mi i kaꞌirgan ya.

Tito 3:5

Ka ipiyagribri ya kita, ega sabap it may nabwat tami nga mataldeng kat panleteg ya, in daꞌga sabap it kadakulat ildaw ya. Ipiyagribri ya kita, nga subuk ipiyanganak tami sit sumaꞌup kat buwat it Espiritu Santo nga panlimpiyuꞌ baw pagbaꞌgu it mga adat ta.

Santiago 1:18

Baw uyun kat kaꞌirgan ya, binwat ya kita nga mga anak ya na kat pamayaꞌ tamit kamatuudan nga ipiyangadal it aten, isaꞌun makasiguru tami nga taawan ta na talaga it Ampuꞌang Diyus, nga ipagpabetang ya nga pirmira kat muꞌsang giyuna ya.

1 Pedro 1:23

Sabap kayti, subuk ipiyanganak kamu it sumaꞌup, nga ega maat ipiyanganak it taw nga may kamataynen, in daꞌga kat keseg it egay kaꞌawaꞌan nga ampang it Ampuꞌang Diyus nga subuk ilinwak ya kat nakem mi. Ampang ya ngaytu, maneꞌteꞌ seked it kaꞌnu-kaꞌnu, baw subung talagat egen ka dakulay magkabwat ya kat nakem it taw.

1 Pedro 1:3

Kayti, bantugun tami nga muꞌsa i Ampuꞌang Diyus, nga Amaꞌ it Ampuꞌan tami nga si Jesu-Cristo! Sabap natantuwan ta nga, kat kadakulat ildaw yat aten, bilang ipiyanganak ta kayti it sumaꞌup baw siguradu na talagay pagꞌiꞌinawaren tami nga kagayenan. Ildaw ya ngaytu, siguraduytu sabap duꞌun it pagkaꞌgen ni Jesu-Cristo it paꞌuliꞌ.

1 Pedro 2:2

Panawun it pikiran mi i adat it madaragen nga magkududuꞌ nga pirmi. Ta sana, atkayan nagay imyu, nga magkuꞌadal nga pirmi it ampang it Ampuꞌang Diyus, ampang ya nga purus kamatuudan, isaꞌun kemseg kamu nga mga anak ya, nga magsisigi nga dumakulaꞌ i pamayaꞌ mi, seked it maꞌbut na nga maribri kamu duꞌun it langit.

1 Juan 3:9

Ka in siyu-siyuy bilang ipiyanganak nat Ampuꞌang Diyus, ega nayan magpasigi pat muwat it kasalaꞌan. Simpri ega na mamlag kanya it bilang nanganak ngaytut kanya. Ta it Amaꞌ ya nay Ampuꞌang Diyus, ega na mapakay nga pasigi paꞌ kanyat muwat it kasalaꞌan.

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

1 Juan 5:4

Sabap kada bilang ipiyanganak nat Ampuꞌang Diyus, magkaꞌindaꞌeg ya na i pagsakep it kanya it karaꞌe-raꞌetan situt banwa ngaytu. Magkaꞌindaꞌeg ta naytu kat keseg it pamayaꞌ baw pagsarig tat ki Jesu-Cristo.