Juan 1:12 - Tagbanwa

¹² Temed may mga taw nagang namayaꞌ baw simnarig it kanya. Sira ngaytu, binggayan ya sirat pudir nga makapabetang sira nga mga anak it Ampuꞌang Diyus.

Juan 1:12 Iomraidhean Croise

Mateo 10:40

Pangiyaꞌpusan it ipagpanulduꞌ ngaytu ni Jesus, maat ya, “Iyan talaga magtanggap baw mistimar it imyu, magtanggap gasiꞌ yan it aken. Baw iyan magtanggap it aken, pagtanggapen ya gasiꞌ i Ampuꞌang Diyus nga nagtaꞌeg it aken it paꞌasitu.

Mateo 12:21

Baw iyan karibriyan nga pagꞌiꞌinawaren it muꞌsang bangsa, isarig nira it kanya.”

Mateo 18:5

Baw in siyu gasiꞌ i magtanggap it esang mapiyababaꞌ nga subung it waꞌwaꞌ ngaytu sabap it pamayaꞌ yat aken, aku i pagtanggapen ya.

Juan 1:11

Naꞌasitu kanyat bangsa nga piniliꞌ ya, temed maski sira, mga taw ngaytung piniliꞌ ya nga sadili ya, daꞌsira timnanggap it kanya.

Juan 1:7

Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Juan 11:52

Baw ega lamang bangsat Judio, in daꞌga isaꞌun mabwat sira nga sang siraan it matingped yang mga anak it Ampuꞌang Diyus nga gumaring kat paꞌari-aring rugar.

Juan 2:23

Iyan duꞌun ngayti si Jesus it Jerusalem it Pistaꞌ ngaytit Tiyaꞌliban, dakel i mga namagpamayaꞌ it kanya, iyan naltegan nira i mga tandaꞌanan nga mga kalililuꞌang bagay nga pagbuwaten ya.

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 3:18

Talagang ega na betanganan it ukuman nga panriga i kumpur mamayaꞌ baw sumarig it kanya. Temed iyan ega magpamayaꞌ, inukumanan sirang lagi nga mabgayan it panriga, sabap ega pagpamayaꞌnen niray paeꞌesa-esa ngaytung Anak it Ampuꞌang Diyus.

Mga Binwat 3:16

Ta kayti, magkaltegan mi ngaytung pilay nga kilala mi naga, piyagayen kanya it guna ni Jesus. Eeꞌ baꞌ, kat keseg it pamayaꞌ baw pagsarig namen it ki Jesus ngayti, piyagayen yay taw ngaytu it gayen banar kat adapan mi.

Roma 8:14

Ka sira nga magpasakep nga pirmi kat padisir it Espiritu Santo nga ipiyapasarum it Ampuꞌang Diyus, sira na i pagtaꞌwageng mga anak ya.

Roma 8:16

Eeꞌ baꞌ, Espiritu Santo na ngaytuy magpamatuud kat nakem ta nga talagang kita, inanak nang matuud it Ampuꞌang Diyus.

Roma 8:19

Sabap muꞌsang mga paryaman nga giyuna it Ampuꞌang Diyus, subuk pagpaꞌbutun nang banar i aldaw ngayang itanyag yat kadakel i kadakulat kabantugan nga ibgay ya kat mga inanak ya.

Galacia 3:26

Pati kamu nga ega Judio, mga anak na gasiꞌ it Ampuꞌang Diyus, nga maglalagpit nat ki Cristo Jesus sabap it pagsarig baw pamayaꞌ mi it kanya.

Galacia 4:6

Ta it paribasay mga anak ya na kita, aypaꞌ piyapasaruman ya gasiꞌ kita it Espiritu Santo, iyan Espiritu Santo nga ipiyangadal baw isiyanggup it Anak ya nga si Jesus. Aypaꞌ, kat panakem it Espiritu Santo ngaytu, mayaꞌngan nay dilaꞌ tami it tumaꞌwag it Ampuꞌang Diyus it Amaꞌ.

Colosas 2:6

Ta kayti it tiyanggap mi na nga Ampuꞌan mi na si Cristo Jesus, kaꞌilangan mangaꞌgenan kamu uyun kat pangaꞌgenan it mga taw nga maglalagpit nat kanya.

2 Pedro 1:4

Kat kabantugan baw guna ya ngaytu, may ibinggay yat aten nga mga ega babasta-bastaeng mga sanggup, isaꞌun kasbung i adat ta it kanyang adat nga talagang magayen. Sabap nakaꞌalikaꞌsut tami na kat pagkaꞌuripen tami it pagsumbayaꞌ it mga singkadan tami nga kaꞌiꞌirgan nga maraꞌe-raꞌet, nga yay tumaban it taw kat pangaꞌgenan nga maranggaꞌ.

1 Juan 3:1

Panawun lamang it pikiran mi in sang unuy kadakulat raras it Diyus Amaꞌ it aten. Dakulaꞌ nga banar i raras ya ngaytu, ka ipagpabetang ya na kita nga mga anak ya. Ta kayti, atkayan na nga matuud, nga mga anak tami na it Ampuꞌang Diyus. Temed ta, kadaklan it taw situt banwa, ega magkilala sira it Ampuꞌang Diyus, aypaꞌ ka simpri, ega gasiꞌ pagkilalaen nira kita nga mga inanak ya.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 3:2

Mga pagmaꞌalen ku, kayti mga anak tami nang matuud it Ampuꞌang Diyus. Lamang ega paꞌ magkaꞌrutan ta in maꞌunuy pamilug ta duꞌun. Temed ituy pagsisiguruun ta, asan it pamaꞌuliꞌ situ ni Jesu-Cristo, masbungan ta na kanya, ka maltegan ta nat magayen in maꞌunu kanya.

1 Juan 3:23

Ituytu i ipiyagꞌurdin ya, nga mamayaꞌ ta baw sumarig it Anak yang si Jesu-Cristo, baw magsigraras tami it esa may esa nga subung it ipiyagꞌurdin it aten ni Jesu-Cristo ngaytu.