Juan 1:1 - Tagbanwa

¹ Parabir nagdataꞌ i banwa baw langit, may si Jesus na, nga pagpangaranat Ampang it Ampuꞌang Diyus. Paꞌaaten ngaytung Ampang, duꞌun kanyang lagi it adapan it Ampuꞌang Diyus. Ega lamang kat adapan it Ampuꞌang Diyus in daꞌga, Ampang ngaytung si Jesus, kanya naga i Ampuꞌang Diyus ngaytu.

Juan 1:1 Iomraidhean Croise

Genesis 1:1

Puꞌun-puꞌun it langit baw banwa, giyuna it Ampuꞌang Diyus.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Isaias 9:6

Sabap ipiyanganak situt aten i esang waꞌwaꞌ. Ipiyagbegay i itung lalaki kat ikagayen tami. Kanya na i mamaalaꞌ it aten. Kanya ngaytu, kilalaen nga “Kalililuꞌan nga Manigpadisir,” “Ampuꞌang Diyus nga Gunaan,” “Amaꞌ tami nga Egay Pinꞌunan, Egay Kaskedan,” baw “Manigpamegbeg nga Magbegay it Kamatuudan nga Kaꞌimbengan.”

Mateo 1:23

“Dumarugmatiꞌ i esang umba-umbay paꞌ nga ega paꞌ nakalabay it lalaki. Sumakit nga anak ya, lalaki. Taꞌwagen kanya nga Emmanuel (nga ireg sugiden, kaꞌiba-iba tami na i Ampuꞌang Diyus).”

Lucas 24:53

Garing sikayti, aldaw-aldaw magpaꞌaduꞌun sirat Templo ka magbantug sira it Ampuꞌang Diyus.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 1:2

Talagang kaꞌiba-iba kanya nang lagi it Ampuꞌang Diyus garing paꞌ it tagnaꞌ.

Juan 16:28

Talagang garing aku duꞌut Amaꞌ bawnga limnampud aku nga naꞌasitut banwa ngaytu. Ta kayti, limꞌid aku na situt sinirungat langit ka muliꞌ aku na duꞌun it Amaꞌ.”

Juan 17:5

Aypaꞌ kayti, Amaꞌ, in asan aku sit imu, ibgay mu sit aken i kabantugan nga aken nang lagi, iyan asan aku paꞌ ngayat imu, parabir giyuna i banwa ngaytu.”

Juan 20:28

Yanay seked it naꞌampang ni Tomas, maat ya, “Ampuꞌan ku, Ampuꞌang Diyus ku!”

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

Roma 9:5

Mabantug i mga kagiyaringanan nira baw gasiꞌ nga kaduguꞌan nira naga i nanganak it ki Cristo ngaytu, iyan nagbalyu kanya nga taw. Si Cristo ngaytu, Ampuꞌang Diyus kanya nga magbebegbeg it muꞌsa, nga pagbantugun baw pagsambaen it egay katupusan. Kamatuudan talagaytu.

Efeso 3:9

Baw ipiyakarguꞌ ya gasit aken i buwat nga ipaꞌyag ku kat muꞌsang taw in magꞌuꞌunu matuman ya i pabetang-betang ya nga garing pat ega pay banwa ipagtagu-taguꞌ ya, kanya nga nagguna it muꞌsa.

Filipos 2:6

Ka maski kanya, Ampuꞌang Diyus nga matuud, temed ega talaga kiyayliyan ya i kabantugan baw pudir it pagkaDiyus ya ngaytu.

Colosas 1:15

Duꞌut ki Cristo ngayti ipiyalteg nat aten in magꞌuꞌunu i Ampuꞌang Diyus nga ega magkaltegan. Baw may kataꞌasan ya nga subrat kataꞌasan it muꞌsang mga giyunang bagay nga may ginawa, subung nagat kataꞌasan it panganay nga anak kat mga ariꞌ ya.

Colosas 1:17

Kanyay uꞌna-uꞌnat muꞌsang bagay baw kat pamegbeg ya magtinir sira it egay pagꞌugadan baw magpanunsun sira it in unuy ipiyabetang-betang ya it kanira.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Tito 2:13

Kaꞌilangan atkaytuy pangaꞌgenan ta mintras pagꞌelatan tami i kasagyaan nga pagsisiguruun ta, nga maltegan i kabantugan ni Cristo Jesus kat pamaꞌuliꞌ ya situ, kanya nga mabantug nga Ampuꞌang Diyus baw Manriribri tami.

Hebreo 13:8

Si Jesu-Cristo ngaytu nga piyamayaꞌ nira, ega talagay pagꞌugadan ya. In magꞌuꞌunu kanya it tagnaꞌ, atkayan naga kayti baw seked it kaꞌnu-kaꞌnu.

Hebreo 7:3

Egay magkasangpit nga pasar it inaꞌ baw amaꞌ ni Melquisedec ngaytu u kaduguꞌan nga piyanggaring-garingan ya. Ega gasiꞌ nakasurat i pasar it pagpanganak it kanya u kamataynen ya. Kabilangan ya, subung it Anak it Ampuꞌang Diyus ka subuk egay katupusan it pagkasasirduti ya.

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

1 Juan 5:7

Yay matuud, tulu talagay magpamatuud kaytu pasar it ki Jesu-Cristo, in siyu talaga kanya.

Mga Ipiyalteg 1:11

Magꞌaat i pagꞌaaten, “Kaꞌilangan nga isurat mu kat magkaluu-lulun nga pagsuratan in unu nga bagay nga maltegan mu, bawnga ipataban muytu kat pitu ngaytung karugaran nga may magpamayaꞌ it Ampuꞌan, nga duꞌun it Efeso, Esmirna, Pergamo, Tiatira, Sardis, Filadelfia baw duꞌun it Laodicea.”

Mga Ipiyalteg 1:17

Pagkalteg kut kanya ngayti, simnuꞌsub aku na duꞌut aꞌay ya. Ega nakariꞌe-riꞌeng aku ka subuk ega nay giginawa ku. Temed tiyapal ya aku it iwanan nga alima ya baw inaat ya, “Ayaw kat iꞌlam. Aku i uꞌnat muꞌsa baw aku nagay kat sinauryan. Talagang kat pamegbeg ku i muꞌsa.

Mga Ipiyalteg 1:2

Talagang pamatuud tu ni Juan it muꞌsa nga naltegan ya nga ipiyalteg it kanya nga ampang it Ampuꞌang Diyus nga ipiyamatuud ni Jesu-Cristo.

Mga Ipiyalteg 1:8

Maat it Ampuꞌang Diyus, “Akuy uꞌna it muꞌsa baw aku naga i kat sinauryan. May aku naga garing it tagnaꞌ paꞌ, baw seked it kaꞌnu-kaꞌnu may aku paꞌ. Talagang egay kasbung it guna ku.”

Mga Ipiyalteg 19:13

Talpuk nat duguꞌ i pakayan ya. “Ampang it Ampuꞌang Diyus” i panaꞌwag it kanya.

Mga Ipiyalteg 2:8

“Itu gasiꞌ i ibtang mu kat surat nga ipataban duꞌun it manigpamaalaꞌ it mga magpamayaꞌ it aken nga duꞌut Esmirna. Aaten mu nga, ‘Ituy ipagkusugid it iyan kanya nga uꞌna it muꞌsa baw kat sinauryan naga, kanya nga lamang natay temed nagꞌegen nagat paꞌuliꞌ.

Mga Ipiyalteg 21:6

Baw maat pay beken nga inaat yat aken, “Kayti natuman naytung muꞌsa. Ka akuy uꞌna it muꞌsa baw aku naga i kat sinauryan. Aku i gimnuna it muꞌsa baw kat pudir ku i kaꞌbusan ya. In siyu nga pagbaꞌnekan, siguradu nga begayan ku kanyat danum nga egay bayad nga garing duꞌun it tumbud nga magbegay it kaꞌgenan.

Mga Ipiyalteg 22:13

Sabap aku ngaytu i uꞌna it muꞌsa baw aku naga i kat sinauryan. Aku i gimnuna it muꞌsa baw kat pudir ku i kaꞌbusan nira.

Mga Ipiyalteg 3:14

“Ituy ibtang mu duꞌun it surat nga ipataban mu duꞌut manigpamaalaꞌ it mga magpamayaꞌ it aken duꞌun it Laodicea. Aaten mu nga, ‘Ituy ipagkusugid it iyan kanya nga magngangaran it Kamatuudan, kanya nga talagang egay pagbaꞌgu ka purus kamatuudan i ipagsugid ya, kanya naga nga manigpamegbeg it muꞌsang giyuna it Ampuꞌang Diyus.