Josue 8:3 - Tagbanwa

³ Egay beken, inasikasu ni Josue i muꞌsang mga taawan ya ka rumpakan nira siꞌ i Hai. (Pagkalte-kalteg it mga sundaluꞌ it Hai it mga Israelita siꞌ ngayti, diyaliꞌan nira nga lagi ka pakibunuꞌan siꞌ. Nagbeteꞌ-beteꞌ i mga Israelita nga mamagꞌatras naga sira. Tanud it taga Hai, pagdaꞌgen siꞌ sira, aypaꞌ ka siging usig nira. Iyan alaid nay mamagꞌusig ngayti, namusut-busut i mga mamagpatataguꞌ ngayti nga mga taawan ni Josue. Siyuriban nira nay siyudad ngayti. Pagkalawag na Josue it may magtindeg nang tabuk, siyarunga na niray mamagꞌusig ngaytit kanira, ka yapay pakibunuꞌ nira.)

Josue 8:3 Iomraidhean Croise

Exodo 17:9

Aypaꞌ singkat ni Moises si Josue nga bilang pagsarig-sarigan ya. Maat ya, “Miliꞌ ka kat mga kaꞌibaan ta ngaytu nga ibaen mu it pakibunuꞌ it mga Amalecita ngaytu. Aken, dedelem timindeg aku duꞌut sagpaw it mungsuꞌ ngayti it pagseskelen kuy sungkud ku nga ipiyagꞌaat it Ampuꞌang Diyus nga tabanen ku.”

Mateo 24:39

Aypaꞌ pagꞌabut it lenep ngayti, egay tiya-tiyakap it katataawan. Ta unupat biyaraꞌan, namagkalmes sira nga muꞌsa ka isiyari nat belbeg. Atkayan naga yan i magꞌabut in pangabut na ngayan it Taga Langit nga Ipiyanganak it Taw.

Mateo 24:50

Mabut i agalen ya kat aldaw nga ega pagsisiguruun ya baw kat uras nga ega magkaꞌrutan ya.

Mateo 25:6

Iyan lubuk nat delem, may gimnaꞌuy na nga magꞌaat, ‘Magꞌaꞌabut nay lalaki nga papagsaduun! Susmuun mi na kanya!’

1 Tesalonica 5:2

Sabap magkaꞌrutan mi na nga pamaꞌuliꞌ ya ngaytu, kaꞌalimbawaan ya subung it ipagꞌabut it mananakaw it delemen, ka ega magkaꞌru-kaꞌrutan tami in kaꞌnu.

Josue 10:7

Ta, egay beken, napanaw na na Josue garing duꞌut Gilgal ngayti ka tumabang, sang siraan it muꞌsang mga taawan ya nga uba-ubas na it pagbunuꞌ.

Josue 8:2

In magꞌuꞌunuy binwat mi it Jerico, yanagay buwaten mi duꞌut Hai, takaꞌ mapakay kamu nang misiꞌ it rangpasen mi, mga ayep nira baw mga kusas nira. Magrigen-rigen kamu na. Takaꞌ pakibunuꞌ mi, kaꞌilangan aꞌakal. Patataguꞌ i beken kat talikudan nga ayun it siyudad nira, bawnga iyan beken, yanay bilang patiya-tiyaꞌ.”

2 Pedro 3:10

Temed ta, maski atkayan i ireg ya, mabut talagay aldaw nga tumanen yay sanggup ya ngaytung ranggaꞌen ya nay banwa. Kaꞌalimbawaan it pamaꞌuliꞌ ngaytut Ampuꞌan, subung it mananakaw nga ega magkaꞌrutan i ipanakaw ya. Temed kat iyan na nga aldaw, iyan langit, biglaꞌ nga maꞌawaꞌ, dengan it dagurdur. Baw maranggaꞌ nga maꞌanteng it talagang magkaꞌansur i muꞌsang paryaman ya. Atkayan naga i banwa, pati muꞌsang betang ya, maꞌansur gasiꞌ.