Josue 7:2 - Tagbanwa

² Ta, binwat siꞌ ni Josue, may piyapanaw ya nga sumunda it siyudad it Hai, nga kat lebatang ayun it Betel nga adeꞌdeng duꞌun it Bet-aven.

Josue 7:2 Iomraidhean Croise

Genesis 12:8

Garing duꞌut piyaꞌabutan ya ngayti, nagpaꞌugad naga si Abram duꞌut mamungsuꞌun nga ayun duꞌut lebatan it lansangan it Betel. Duꞌun nay piyamagbala-balayan nira, nga ayun kat sedpan i Betel ngayti baw ayun duꞌut lebatan nira i lansangan it Hai. Nagpatindeg siꞌ kanya duꞌun it papangantengan it ipagsamba ka siyamba yay AMPUꞌANG DIYUS.

Genesis 28:19

Piyangaranan yay iting rugar it Betel, nga ireg sugiden, Balay it Ampuꞌang Diyus. Tagna-tagnaꞌ, pangaran it lansangan nga duꞌut rugar ngayti, Luz.

1 Mga Adiꞌ 12:29

Duꞌun it Betel i piyatindegan ya it sangbat ngayti, iyan sangbat, duꞌun it Dan.

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Efeso 5:15

Aypaꞌ inturun mit magayen in magꞌuꞌunu kamu magpangaꞌgenan. Sana subung nat mga taw nga dakulay kasepsep sabap it pangaꞌgenan nga pagsagyaan it Ampuꞌang Diyus. Ayaw kamut patibayaꞌ it mga taw nga elam pat mga itu ngaytu.

Josue 2:1

Iyan duꞌun sira magbabalay-balay it Sitim, may duwang kataawan nga piyasunda ni Josue. Tinggunan ya nga magꞌaat, “Paꞌaduꞌun kamu it Jerico. Tili-tiliyen mit magayen i siyudad ngayan baw parangumaen ya.” Egay beken, namagpanaw nay piyamagtaꞌeg ngayti, namagpaJerico na. Pagkaꞌbut nira duꞌun, iyan delem na, maꞌapyatan nirang balay nga igaꞌan nira, balay it esang babay nga ipagpanulus yay bilug ya, si Rahab i ngaran.

Josue 7:3

Pagkaꞌuliꞌ nira, maat nirat ki Josue ngayti, “Ega na kaꞌilangan nga paꞌaduꞌun paꞌ nga muꞌsa. Siguru duwa u tulung ribu nga kataawan i pasulungun mu duꞌut siyudad ngaytit Hai, tamaꞌ na. Ega riga-rigaen nga muꞌsa ka ega naga dadaklan i taw ya duꞌut iting siyudad.”

1 Samuel 13:5

Namagtingped na gasiꞌ i mga Filisteo ngayti nga lumaban naga sirat mga Israelita. Sarakayan ga nirat magpakibunuꞌ, tulung ribu, baw enem nga ribu i kadakel it mangangabayuꞌ. Ta magpanaw lamang nga sundaluꞌ, subung nat igis duꞌut baybayan i kadakel, ega na mabilang. Duꞌun nay piyagkampuwan nirat Micmas nga duꞌut lebatan nga ayun it Bet-aven.