Josue 3:3 - Tagbanwa

³ Siyugidan niray kadakel ngayti nga magꞌaat, “Iyan basta maltegan mi nga pinirisiꞌen it mga sasirduti tami nga Levita i Kaban it Pakiꞌupakat it AMPUꞌANG DIYUS tami, mapanaw tami siꞌ yan nga muꞌsa.

Josue 3:3 Iomraidhean Croise

2 Samuel 6:3

Pinsiꞌ na nira i Kaban ngayti duꞌut balay ni Abinadab nga duꞌun it bulud. Ikiyargaꞌ na nira duꞌun it baꞌgu nga karitun. Pagꞌaꞌagbayen naga it duwang anak ni Abinadab nga si Uza baw si Ahio.

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Mateo 8:19

Temed parabir sira nakasakay, may minlep duꞌun it ki Jesus nga esang manigpaꞌyag it urdin. Miyampang kanya nga magꞌaat, “Manigtulduꞌ, talagang magbaya-bayaꞌ aku nat imu maski paꞌunu-unu ka.”

Josue 3:4

Maꞌrutan ta nayan asat kanira in ari panawan tami, sabap egay maski siyu it aten nga nakapanaw it itung pagpanawan. Temed ayaw kamut pataked it magpipirisiꞌen ngayan it Kaban it Pakiꞌupakat. Pauꞌnaen mi sira it subrat tengaꞌ it sang kilumitru.”

Josue 3:6

Pagꞌaldaw siꞌ, singkat na ni Josue i mga sasirduti. “Pirisiꞌnen mi na i Kaban it Pakiꞌupakat baw muꞌna kamu na kat kadakel ngaytu.” Egay beken, siyunud nira i inaat ngaytit kanira.

Josue 4:10

Duꞌun lamang mamagtitindeg i mga sasirduti ngayti it tengat napraan ngayti nga sang peꞌtek nga danum it Jordan, seked it nabwat nga muꞌsa i kumpur ipiyagꞌaat ngaytit AMPUꞌANG DIYUS it ki Josue. Siyunud ni Josue i muꞌsa, uyun kat ipiyagꞌaat nagat kanya ni Moises it iyan egen paꞌ. Ereg-ereg i dipag it kadakel ngayti.

Josue 6:6

Egay beken piyapaꞌaduꞌun ni Josue it kanya i mga sasirduti ngayti bawnga inaat ya sira. “Pirisiꞌnen mi siꞌ i Kaban it Pakiꞌupakat it AMPUꞌANG DIYUS. Muꞌna i pitung kasasirdutiyan nga may taban nga taburi.”

Mga Ipiyalteg 14:4

Mga taw ngayti, ega simnalya manriꞌe-riꞌeng it maski siyu nga babay. Mamagbaya-bayaꞌ sirang pirmi it paꞌaaten ngayting Uꞌuybun It Tupa. Talagang kat muꞌsang katataawan, napiliꞌ sira nga subuk inalang, nga sira, mga taawan na it Ampuꞌang Diyus. Baw kabilangan nira, subuk uꞌnang lutuꞌ nga tirigu nga ipagpasalamat duꞌun it Ampuꞌang Diyus baw Uꞌuybun ngaytit Tupa.