Josue 3:1 - Tagbanwa

¹ Madelem-delem paꞌ, nasulag na si Josue baw muꞌsa ngayting mga Israelita. Gimnaring siꞌ sira duꞌut Sitim ngayti, naꞌaduꞌun na sirat kadanuman it Jordan. Pagkaꞌbut nira, ega dayun-dayun sirang dimnipag. Nagrenren sira daꞌan duꞌut tambing ya.

Josue 3:1 Iomraidhean Croise

Genesis 21:14

Pagꞌeyag it aldaw, sinimpanan na ni Abraham it balun nga pangaꞌen baw danum na Agar ngayti bawnga piyapanaw ya na. Napanaw na na Agar ngayti duwa magꞌanak, limnaꞌung-laꞌung na sira duꞌun it kapupuyangtan nga rugar it Beer-seba.

Genesis 22:3

Aypaꞌ pagꞌeyag magbangun si Abraham, magpanariꞌsak it kayu. Bawnga inasikasu yay kabayuꞌ nga asno nga papirisiꞌnen it kumpur tabanen ya, uyut i tiyariꞌsak ya ngayti nga iduꞌput yat buwaten ya ngayting ipagsamba nga pagꞌantengen. Epat siray napanaw, si Isaac na ngayting anak ya baw duwang kataawan i mga uripen, paꞌaduꞌun it rugar ngayting ipiyagꞌaat it Ampuꞌang Diyus.

Jeremias 25:3

“Seledan it duwang puluꞌ baw tulung taꞌun, garing paꞌ it ikasang puluꞌ baw tulung taꞌun it pagꞌadiꞌ duꞌun it Juda it anak ni Amon nga si Josias, pasigi nga ipagsugid kut imyu i ampang it AMPUꞌANG DIYUS, temed ega pagdenggen mi.

Marcos 1:35

Kukuꞌ-aldaw paꞌ, nagbangun na si Jesus. Naꞌaduꞌun kanya it esang rugar nga egay tataw, ka nanalangin duꞌun.

Josue 2:1

Iyan duꞌun sira magbabalay-balay it Sitim, may duwang kataawan nga piyasunda ni Josue. Tinggunan ya nga magꞌaat, “Paꞌaduꞌun kamu it Jerico. Tili-tiliyen mit magayen i siyudad ngayan baw parangumaen ya.” Egay beken, namagpanaw nay piyamagtaꞌeg ngayti, namagpaJerico na. Pagkaꞌbut nira duꞌun, iyan delem na, maꞌapyatan nirang balay nga igaꞌan nira, balay it esang babay nga ipagpanulus yay bilug ya, si Rahab i ngaran.

Josue 6:12

Pagꞌeyag siꞌ, nasulag it semkad si Josue. Pinirisiꞌen siꞌ it mga sasirduti i Kaban ngaytit Pakiꞌupakat.

Josue 6:15

Kat ikapitung aldaw, kukuꞌ-aldaw paꞌ namagbangun na sira bawnga linibut na nirat pitung libut i siyudad ngayti. Iti na ngayting aldaw inayaw nira nay pitung libut.

Josue 7:16

Pagꞌeyag it aldaw nasulag it semkad si Josue bawnga piyapagtalingbes yat madap it kanya i muꞌsang mga Israelita ngayti kat kanya-kanyang kuyunan. Matukasiꞌan, kuyunang mga tungtung-inapuꞌ ni Juda.

1 Samuel 17:20

Aypaꞌ pagkadedelman, madlem paꞌ nagbangun na si David. Ipiyagsanaꞌ yat beken nga manigꞌeper i mga tupa ngayting pagꞌeperan ya, bawnga napanaw nat naꞌaduꞌun it pagbunuꞌan ngayti. Taban ya nay mga pangaꞌen ngayti nga ipagpaduꞌlung it amaꞌ yat kanya. Ta, iguꞌ nga miyabut kanya duꞌun, magpapanaw siꞌ i mga sundaluꞌ ngayti. Ipaggaꞌu-gaꞌuy na nira i pagꞌampa-ampangen nira in magpakibunuꞌ.