Josue 2:9 - Tagbanwa

⁹ Inupakat ya sira nga magꞌaat, “Itu magkaꞌrutan ku nga ipiyagbegay nat imyu it AMPUꞌANG DIYUS i itung banwa, banwa namen ngaytu. Masyadu talagay iꞌlam it mga taw situ sabap it imyu na ngaytu, nga magpanguripeꞌpey nay sang kabanwaan ngaytu.

Josue 2:9 Iomraidhean Croise

Genesis 35:5

Bawnga napanaw na sira. Kat pabetang-betang it Ampuꞌang Diyus, nga magtatarima it ki Jacob ngayti, mga taw nga duꞌut katepad nira nga rugar, masyaduy iꞌlam nira it kana Jacob. Aypaꞌ daꞌgay nakaꞌurum tumundug nga muwat it ega magayen it kana Jacob ngayting nagliꞌid.

2 Mga Adiꞌ 5:15

Egay beken nagpaꞌuliꞌ na Naaman duꞌut ki Eliseo ngayting prupitaꞌ it Ampuꞌang Diyus. Pagꞌabut nira, maat ya, “Kayti natantuwan ku nga talagang egay beken nga Diyus situt sinirungat langit in daꞌga itu lamang nga Ampuꞌang Diyus it Israel. Aypaꞌ kayti waytu i begay kut imu nga seked it nakaya-kayaan ku.”

Nehemias 6:16

Naliluꞌ i mga magkuntraꞌ ngaytit amen baw mga bangsa kat linibut namen, iyan nabaritaꞌan nira i nabwat namen ngayti. Bawnga nanlaꞌnus i tuꞌlang nira ka namuyaan nira nga naꞌman namen lamang, sabap it tabang it Ampuꞌang Diyus namen.

Exodo 18:11

Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.”

Mga Bilang 20:24

Maat ya, “Ega makasled si Aaron duꞌut rugar nga ibgay ku it mga Israelita. Matay na kanya sabap ega siyunud mi i inaat ku it imyu duꞌun it Meriba.

Mateo 20:15

Unu, egay pudir ku nga buwaten i kumpur ireg ku kat kusas ku? Unu, magꞌinggit ka lamang it kagayen kut masigkataw ku?’”

Hebreo 11:31

Baw si Rahab, iyan babay nga taga Jerico ngayti nga ega magayen i adat ka bilug ya i ipagpanulus ya, paribasay namayaꞌ kanya it Ampuꞌang Diyus piyaꞌapyat ya duꞌut balay ya baw inistimar yat magayen i mga sunda. Aypaꞌ ega nakaꞌuyut kanyat inimatay nga kaꞌibaan it mga kabanwa ya nga ega nagpasakep it Ampuꞌang Diyus.

Josue 2:11

Dakulang keber-keber it seled namen pagkabaritaꞌ namen kaytu. Talagang magꞌiꞌlam kami it imyu sabap AMPUꞌANG DIYUS mi, kanya talagay magbebegbeg it langit baw banwa.

Josue 2:24

Maat nira, “Talagang matuud nga ibinggay nat aten it AMPUꞌANG DIYUS i itung banwa, ka yay matuud, muꞌsang mga taw ya, magpanguripeꞌpey it iꞌlam nirat aten.”

Josue 2:8

Daꞌgay nabaraꞌan nga igaꞌ it duwa ngayting sunda, ka magkagaring i mga magpandakep ngaytit kanira, magꞌapyat si Rahab duꞌun it atep ka may ipakiꞌupakat ya.

Josue 6:2

Temed maat it AMPUꞌANG DIYUS it ki Josue ngayti, “Pagnegan muy aaten ku ngaytut imu. Talagang ipadaꞌeg kut imyu i Jerico ngaytu, pati adiꞌ ya baw mga bantug nga mga bilang sundaluꞌ ya.

Josue 9:10

Naꞌrutan namen gasiꞌ i binwat ya kat duwang adiꞌ nga Amorreo nga kat lebatan nga ayun it Jordan, ki Sehon nga adiꞌ it Hesbon baw ki Og nga adiꞌ it Basan nga takenaꞌ ya, duꞌun it Astarot.

Josue 9:24

Katubag i mga taga Gabaon ngayti, maat nira, “Ta, binwat namen bay atkayan ka talagang natantuwan namen nga, iyan Ampuꞌang Diyus mi, ipiyagꞌurdin ya it manigsirbi ya nga si Moises nga bagiꞌ-bagiꞌen ya it imyu i itu nga banwa. Baw ega desang bagiꞌ-bagiꞌen, puuꞌun paꞌ i muꞌsa nga mga datiyan nga taga situ. Ta, it kayti nga situ kamu na, talagang magꞌiꞌlam kami nga banar, ka barang pati kami, puuꞌun mi gasiꞌ.

Josue 9:9

Magꞌaat i usay nira nga tubag nirat ki Josue ngayti, “Talagang garing kami baytu duꞌun it alaid nga banwa. Naꞌasitu kamit imyu sabap it nabaritaꞌan namen i pasar it AMPUꞌANG DIYUS mi nga subrang mabantug. Naꞌrutan namen i binwat ya duꞌun it Egipto.

Mga Pagbayaꞌen 7:14

“Aaꞌ,” maat it sang kataawan ngayti, “iyan ega nayay belag, tarem nayat basiꞌ it Israelita ngayang si Gedeon nga anak ni Joas. Kita ngaytu nga mga Madianita, pati kadakel ngaytu nga kaꞌibaan ta, siguradung daꞌgen nira ka tabangen kanya it Ampuꞌang Diyus.”