Josue 2:4 - Tagbanwa

⁴ Temed duwa ngayti, itiyaguꞌ nga lagi ni Rahab. “Aaꞌ, may miyabut bayang matuud situ nga duwang kataawan nga ega kilala ku nga mga taw,” maat ni Rahab. “Ega maka bayan naꞌingkut ku in taga ari sira.

Josue 2:4 Iomraidhean Croise

2 Mga Adiꞌ 6:19

Ta it atkayti na, inlep sira ni Eliseo, maat ya, “Ega bayan sikaytuy dalan. Egaytu ituy lansangan ngayang pagꞌabutun mi. Dumasun kamut aken ka itulduꞌ kut imyu i pagtulusun mi ngayan nga taw.” Egay beken, piyabayaꞌ ya na sira duꞌut Samaria ngayting puꞌun nga siyudad it Israel.

Exodo 1:19

Katubag i duwa ngayti, maat nira, “Iyan mga Hebreo nga babay, daꞌsira subung it mga taga Egipto nga babay. Ka makulaꞌsi sira baw marway i kanira nga panganak. Kamatuudan, abutan namen yan, simnakit na.”

Santiago 2:25

Atkayan naga si Rahab, iyan babay it tagnaꞌ paꞌ nga ipagpanulus yay bilug ya. Ka daꞌga baꞌ, iyan napikir ya nga pasakep it Ampuꞌang Diyus, masagya nga inistimar ya kat seled it pamalay-balay ya i duwang kataawan nga mga piyasunda it mga Israelita? Bawnga imiyunaꞌaw ya pat kanira i dalan nga iyan i sunsunun nira isaꞌun makapalagyu. Ta sabap it mga binwat ya, nga pamatuud it kamatuudan i pamayaꞌ ya, ipiyabetang kanya it Ampuꞌang Diyus nga mataldeng kat panleteg ya.

Josue 2:3

Aypaꞌ may piyapaꞌaduꞌun it adiꞌ ngayti it ki Rahab ka aaten kanya nga, “Ipaliꞌwan mu i mga taw ngayan nga paꞌaateng nagpaꞌabut asat imu. Mga sunda yan i iyang mga taw. Ega yay beken nga pagꞌengden nira, magpanili-tili it rugar ta ngaytu.”

Josue 2:5

Beken it tama-tamaꞌ nga timindag nay delem nga paniniradu nat puwirtaꞌan it siyudad, namagpanaw siꞌ sira. Salaꞌ maka gasiꞌ, daꞌga sayan iningkut ku in ari talagay abut nira. Temed siguru in usigen mi, maꞌbutan mi naga sira.”

Josue 6:17

Kaꞌilangan, kapuꞌsaan it siyudad baw muꞌsa nga maparagan duꞌun antengen, ka ipasiguru nga kat AMPUꞌANG DIYUS na, nga ega na masalyaan ta. Iyan lamang i iribri, babay nga ipagpanulus yay bilug ya nga si Rahab baw muꞌsang mga kaꞌibaan ya asat seled it balay ya, sabap it panabang ya it mga piyasunda tami ngayan situ.