Josue 2:11 - Tagbanwa

¹¹ Dakulang keber-keber it seled namen pagkabaritaꞌ namen kaytu. Talagang magꞌiꞌlam kami it imyu sabap AMPUꞌANG DIYUS mi, kanya talagay magbebegbeg it langit baw banwa.

Josue 2:11 Iomraidhean Croise

2 Mga Adiꞌ 5:15

Egay beken nagpaꞌuliꞌ na Naaman duꞌut ki Eliseo ngayting prupitaꞌ it Ampuꞌang Diyus. Pagꞌabut nira, maat ya, “Kayti natantuwan ku nga talagang egay beken nga Diyus situt sinirungat langit in daꞌga itu lamang nga Ampuꞌang Diyus it Israel. Aypaꞌ kayti waytu i begay kut imu nga seked it nakaya-kayaan ku.”

Nehemias 6:16

Naliluꞌ i mga magkuntraꞌ ngaytit amen baw mga bangsa kat linibut namen, iyan nabaritaꞌan nira i nabwat namen ngayti. Bawnga nanlaꞌnus i tuꞌlang nira ka namuyaan nira nga naꞌman namen lamang, sabap it tabang it Ampuꞌang Diyus namen.

Josue 2:24

Maat nira, “Talagang matuud nga ibinggay nat aten it AMPUꞌANG DIYUS i itung banwa, ka yay matuud, muꞌsang mga taw ya, magpanguripeꞌpey it iꞌlam nirat aten.”

Josue 7:5

Tiyaraꞌusig sira garing duꞌun it puwirtaꞌan it siyudad ngayti miyabut duꞌun it pagripkan it batu nga pagpangaranan it Silyar. Lamang namagꞌatras i mga Israelita ngayti, tulung puluꞌ baw enem i nagnis it kanira nga napatay iyan magpanadsad na sira. Aypaꞌ ka talagang piyamagtalawan na sira.

Josue 9:24

Katubag i mga taga Gabaon ngayti, maat nira, “Ta, binwat namen bay atkayan ka talagang natantuwan namen nga, iyan Ampuꞌang Diyus mi, ipiyagꞌurdin ya it manigsirbi ya nga si Moises nga bagiꞌ-bagiꞌen ya it imyu i itu nga banwa. Baw ega desang bagiꞌ-bagiꞌen, puuꞌun paꞌ i muꞌsa nga mga datiyan nga taga situ. Ta, it kayti nga situ kamu na, talagang magꞌiꞌlam kami nga banar, ka barang pati kami, puuꞌun mi gasiꞌ.

Mga Ipiyalteg 6:16

Pagsekaten nat mga katataawan ngayti i mga bukid baw mga batu nga magꞌaat, “Sigi, taburan mi na kami, isaꞌun malingeb kami, nga daꞌna maltegan it magꞌaꞌdung ngayan asat araꞌdungan it adiꞌ, baw isaꞌun gasiꞌ ega na masalapuꞌ namen i iseg it paꞌaaten ngayang Uꞌuybun It Tupa.