Josue 2:1 - Tagbanwa

¹ Iyan duꞌun sira magbabalay-balay it Sitim, may duwang kataawan nga piyasunda ni Josue. Tinggunan ya nga magꞌaat, “Paꞌaduꞌun kamu it Jerico. Tili-tiliyen mit magayen i siyudad ngayan baw parangumaen ya.” Egay beken, namagpanaw nay piyamagtaꞌeg ngayti, namagpaJerico na. Pagkaꞌbut nira duꞌun, iyan delem na, maꞌapyatan nirang balay nga igaꞌan nira, balay it esang babay nga ipagpanulus yay bilug ya, si Rahab i ngaran.

Josue 2:1 Iomraidhean Croise

Genesis 42:16

Ala, paꞌuliꞌen mi nay sang kataawan it imyu ka pisiꞌen ya. Iyan beken ngaytu, pirisuun situ seked it ega magmatuud i pamagꞌaaten mi ngayan. Basta egay matuud, talagang mga sunda kamu!”

Genesis 42:9

Duꞌun nademdeman ni Jose i tiyagaynep ya ngayti sabap it kanira. Maat ya siꞌ, “Ambut mi! Mga sunda kamu! Daꞌga baꞌ, iyan i enged mi ngaytu, magbaklay kamu it banwa namen, isaꞌun matili-tili mit magayen, madaliꞌ mandaꞌeg kamu!”

Mga Bilang 13:1

Pagꞌabut it mga Israelita duꞌun it rugar nga kapupuyangtan nga pagpangaranat Paran, inaat siꞌ it AMPUꞌANG DIYUS si Moises.

Mga Bilang 13:2

Maat ya, “Piliꞌen mu i papanawun mu nga mga ginuꞌu. Kada kuyunan nga mga tungtung-inapuꞌ it mga anak ni Israel, sang kataawan i piliꞌen. Ka pasundaan muy Canaan, nga banwa ngayan nga ibgay ku it imyu.”

Mateo 1:5

Makaꞌasawa si Salmon, si Rahab. Manganak sira, si Booz. Makaꞌasawa si Booz, si Ruth. Manganak sira, si Obed. Ta si Obed i amaꞌ ni Jesse,

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Efeso 5:5

Ka pagsisiguruun ta nga egay uyu-uyut it kagayenan duꞌun it kaꞌadiꞌan ni Cristo baw Ampuꞌang Diyus i taw nga mapiyamakun duꞌun it ega asawa ya baw kanya nga maraꞌway i adat. Atnaga i taw nga maꞌirak it kusas nga magkapisiꞌ situt banwa, ka ega na Ampuꞌang Diyus i pagsambaen ya in daꞌga kusas lamang ngayti.

Hebreo 11:31

Baw si Rahab, iyan babay nga taga Jerico ngayti nga ega magayen i adat ka bilug ya i ipagpanulus ya, paribasay namayaꞌ kanya it Ampuꞌang Diyus piyaꞌapyat ya duꞌut balay ya baw inistimar yat magayen i mga sunda. Aypaꞌ ega nakaꞌuyut kanyat inimatay nga kaꞌibaan it mga kabanwa ya nga ega nagpasakep it Ampuꞌang Diyus.

Santiago 2:25

Atkayan naga si Rahab, iyan babay it tagnaꞌ paꞌ nga ipagpanulus yay bilug ya. Ka daꞌga baꞌ, iyan napikir ya nga pasakep it Ampuꞌang Diyus, masagya nga inistimar ya kat seled it pamalay-balay ya i duwang kataawan nga mga piyasunda it mga Israelita? Bawnga imiyunaꞌaw ya pat kanira i dalan nga iyan i sunsunun nira isaꞌun makapalagyu. Ta sabap it mga binwat ya, nga pamatuud it kamatuudan i pamayaꞌ ya, ipiyabetang kanya it Ampuꞌang Diyus nga mataldeng kat panleteg ya.

Josue 2:2

Temed nakaꞌbut duꞌut adiꞌ it Jerico ngayti i baritaꞌ nga may siminled duꞌut siyudad nira ngayti nga mga Israelita it iting delem nga magsunda it rugar nira ngayti.

Josue 3:1

Madelem-delem paꞌ, nasulag na si Josue baw muꞌsa ngayting mga Israelita. Gimnaring siꞌ sira duꞌut Sitim ngayti, naꞌaduꞌun na sirat kadanuman it Jordan. Pagkaꞌbut nira, ega dayun-dayun sirang dimnipag. Nagrenren sira daꞌan duꞌut tambing ya.

Josue 5:10

Iyan duꞌun paꞌ ngayti it Gilgal nga duꞌun it daranasan it Jerico i mga Israelita ngayti, binwat nira siꞌ i Pistaꞌ it Tiyaꞌliban it ikasang puluꞌ may epat nga aldaw it uꞌna ngayting bulan.