Josue 10:4 - Tagbanwa

⁴ Maat i ipiyataban yang ampang duꞌun, “Kaꞌilangan namen talaga i tabang mi. Rumpakan tami i Gabaon sabap mga taw ya duꞌun, nagpakiꞌamigus nat kana Josue nga mga Israelita.”

Josue 10:4 Iomraidhean Croise

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Juan 15:19

In beteꞌ kaꞌuyutan kamu paꞌ it mga ega magpamayaꞌ ngayti, simpri pagmaꞌalen nira kamu ka sang kamuwan. Temed it ega na, sabap it piniliꞌ ku kamu baw subuk ipiyapinpin na kat kadakel ngayti. Aypaꞌ ka isgan nayan nira kamu.

Mga Binwat 21:28

Yanay pagꞌampa-ampangen nira nga ipagpanggagaꞌuy na, “Mga kaꞌibaan nga tungtung-inapuꞌ ni Israel, tumabang kamut amen. Ka itu nay taw ngayan nga ipaglekep ya kat paꞌari-aring rugar i panulduꞌ ya nga panibabaꞌ it bangsa tami, mga urdin ni Moises, baw pati Templo ngaytu. Baw kayti, beken paꞌ nga buwat ya, pagpabayaꞌen yat magseled i mga taw nga ega Judio situt Templo ta ngaytu. Talagang pagparaꞌwayen yay ega basta-basta ngaytung papagsambaan tamit Ampuꞌang Diyus!”

2 Timoteo 3:12

Baw ta, yay matuud, in siyu-siyuy magꞌireg mangaꞌgenan it mataldeng kat panleteg it Ampuꞌang Diyus ka pakilagpit kanyat ki Cristo Jesus, talagang maglabay kanya gasiꞌ it pakuriꞌ it masigkataw.

Santiago 4:4

Kamung mga taw, subung kamut pagꞌaꞌasawaeng babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Unu, ega magkaꞌrutan mi nga basta iyan i ragaen mi, mga bagay situt banwa ngaytu, pagkuntraꞌen mi i Ampuꞌang Diyus? Yay matuud, in siyu-siyu nga pagtemden ya nga ega kaꞌirgan it Ampuꞌang Diyus in daꞌga mga kaꞌiꞌirgan situt banwa i ragaen ya, egay beken, magkasiguru ya i sadili ya nga kakuntraꞌ it Ampuꞌang Diyus.

Josue 10:1

Nabaritaꞌan it adiꞌ nga si Adonizedec nga adiꞌ it Jerusalem nga diyaꞌeg baw siyuriban na ni Josue i siyudad it Hai. Nabaritaꞌan ya gasiꞌ i binwat ni Josue it adiꞌ baw muꞌsang taw nga taga Hai nga subung nagat binwat ya it adiꞌ duꞌut Jerico baw mga taw duꞌun. Naꞌrutan ya paꞌ gasiꞌ i binwat it mga taga Gabaon nga nagpakiꞌamigus baw mamagsasagpun nay beken duꞌun it mga Israelita ngayti.

Josue 10:5

Aypaꞌ nagꞌurunyun i lima ngayti nga mga adiꞌ it mga Amorreo. Kiyulung niray Gabaon ngayti bawnga piyakibunuꞌan na.

Josue 9:15

Aypaꞌ nagpakiꞌamigus nat kanira si Josue baw simnanggup nga daꞌsira imatayen. Simnanggup gasiꞌ i mga pagbayaꞌen it mga Israelita ngayti.

1 Pedro 4:4

Takaꞌ kayti, naliluꞌ i mga kaꞌibaan mi, ka in unuka daꞌkamu na magpabaya-bayaꞌ it pangaꞌgenan nira nga pagsumbayaꞌen i muꞌsang mararaꞌway nga kaꞌiꞌirgan nira. Aypaꞌ ka pagtibabaꞌen nira na kamu.

Mga Ipiyalteg 16:14

Iti nga mga mararaꞌe-raꞌet, manigpaliꞌwan it kalililuꞌang mga bagay. Baw binwat nira, limingkep sirat muꞌsang banwa, ka kiyukus niray muꞌsang mga adiꞌ nga lumaban it Ampuꞌang Diyus nga landaw nga gunaan in asan nat ega basta-bastang aldaw nga ipangukuman ya.