Josue 10:3 - Tagbanwa

³ Aypaꞌ binwat it adiꞌ ngayti nga si Adonizedec, may piyapanaw ya nga naꞌaduꞌun it adiꞌ it Hebron nga si Hoham, duꞌut adiꞌ it Jarmut nga si Piream, duꞌut ki Jafia nga adiꞌ it Laquis baw duꞌun it ki Debir nga adiꞌ it Eglon.

Josue 10:3 Iomraidhean Croise

Genesis 23:2

Piyatayan ya duꞌun it Hebron, nga sakep it Canaan ngayti. Masyadu talagay kasmek ni Abraham, baw ega basta-bastay sugaw ya.

Genesis 37:14

“Tundugun mu sira,” maat ni Israel ngayti, “ka baꞌnawun mu. Ayaw kat pagꞌatrasu duꞌun. Muliꞌ ka nga lagi isaꞌun maꞌrutan ku in ega makay kaꞌunuꞌan nira.” Aypaꞌ piyapanaw ya na si Jose ngayti, gimnaring duꞌun it pagtataꞌidan nira ngayting Mintang it Hebron, nagpaSiquem na. Pagꞌabut ya duꞌun it Siquem, yay binwat yay panaw-panaw, magtulus it mga sulsug ya ngayti.

Josue 10:1

Nabaritaꞌan it adiꞌ nga si Adonizedec nga adiꞌ it Jerusalem nga diyaꞌeg baw siyuriban na ni Josue i siyudad it Hai. Nabaritaꞌan ya gasiꞌ i binwat ni Josue it adiꞌ baw muꞌsang taw nga taga Hai nga subung nagat binwat ya it adiꞌ duꞌut Jerico baw mga taw duꞌun. Naꞌrutan ya paꞌ gasiꞌ i binwat it mga taga Gabaon nga nagpakiꞌamigus baw mamagsasagpun nay beken duꞌun it mga Israelita ngayti.

Josue 10:5

Aypaꞌ nagꞌurunyun i lima ngayti nga mga adiꞌ it mga Amorreo. Kiyulung niray Gabaon ngayti bawnga piyakibunuꞌan na.