Josue 1:2 - Tagbanwa

² “Kayti,” maat it AMPUꞌANG DIYUS, “it ega nay si Moises nga manigsirbi ku, ikaw siꞌ i bayaꞌen it mga Israelita ngaytu. Magꞌali-alistu kamu na. Mandipag kamu na it danum it Jordan ka lumangbus kamu na duꞌun it banwa ngayan nga isiyanggup ku nga ibgay ku it imyu nga mga tungtung-inapuꞌ ni Israel.

Josue 1:2 Iomraidhean Croise

Genesis 17:8

Talagang ibgay kut imu baw mga tungtung-inapuꞌ mu i mga rugar nga pagpanaw-panawan mu, muꞌsa ngaytung banwa nga Canaan, nga piyakakusas nira it seked maꞌlay nga banar. Baw talagang tarimaen ku sira, aku nga Ampuꞌang Diyus nira.”

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Deuteronomio 31:7

Bawnga ipiyapisiꞌ na ni Moises si Josue. Kat adapan it muꞌsa ngayting mga Israelita, maat i inampang ni Moises, “Josue, magpakalalaki ka nga daꞌka gugumir-gumiren, sabap ikaw na i manguꞌna it mga kabilug ta ngaytu, kat pagsakep it banwa ngayan nga isiyanggup it AMPUꞌANG DIYUS kat mga kagiyaringanan tami.

Deuteronomio 34:5

Ta, si Moises ngayti nga manigsirbi it AMPUꞌANG DIYUS, duꞌun nay piyatayan ya it banwa nga Moab, uyun naga kat inaat it AMPUꞌANG DIYUS.

Josue 1:1

Iyan ega nay si Moises ngayti nga manigsirbi it AMPUꞌANG DIYUS, inaat it AMPUꞌANG DIYUS si Josue nga dati ngayting magtimbang-timbang it ki Moises, it iyan egen paꞌ. Si Josue ngayti, anak ni Nun.

Josue 1:11

Maat ya, “Kaꞌilangan taritiden mi i muꞌsang mga kaꞌibaan ta ngaytu. Iꞌaat mi it kanira nga magꞌitsu nga lagi it pangaꞌen, ka katlu kayti mandipag tami na it danum ngaytut Jordan ka sakpen tami nay banwa nga ipagbegay ngayat aten it AMPUꞌANG DIYUS.”