Josue 1:1 - Tagbanwa

¹ Iyan ega nay si Moises ngayti nga manigsirbi it AMPUꞌANG DIYUS, inaat it AMPUꞌANG DIYUS si Josue nga dati ngayting magtimbang-timbang it ki Moises, it iyan egen paꞌ. Si Josue ngayti, anak ni Nun.

Josue 1:1 Iomraidhean Croise

1 Mga Adiꞌ 19:16

Paturuꞌan mu gasiꞌ si Jehu nga anak ni Namsi ka kanyay sumubli nga magꞌadiꞌ it Israel. Paturuꞌan mu gasit lana si Eliseo nga anak ni Safat nga taga Abel-mehola ka magprupitaꞌ kanya nga gumantit imu.

Exodo 24:13

Aypaꞌ napanaw siꞌ si Moises, duwa ni Josue nga katabang ya, naꞌaduꞌun siꞌ it bukid ngaytit Ampuꞌang Diyus ka tumungul siꞌ si Moises.

Lucas 16:10

Ka matuud talaga nga iyan magkasarigan it dekeyeꞌ nga bagay, simpri maski dakulaꞌ nga bagay magkasarigan naga. Temed iyan maski dekeyeꞌ nga bagay ipagpanluku ya, simpri subraꞌ na nga ipanluku ya i dakulaꞌ nga bagay.

Mga Binwat 7:45

Siyubli-subli nagaytut mga kaꞌanakan nira nga pagpanguꞌnaan na ni Josue ngayting simnubli it ki Moises. Taban nira nagat siminled situt banwa ngaytu nga nakanira, iyan inimugaw nira i datiyan nga mga taga situ kat tabang it Ampuꞌang Diyus. Talagang iti nay siyubli-subli nirang papagsambaan nirat Ampuꞌang Diyus seked it timpu it adiꞌ nga si David.

Roma 1:1

Mga pagmaꞌaleng iba-iba nga asan it Roma, wayan i surat ku, aku nga si Pablo nga esang manigsirbi ni Cristo Jesus. Esa akung ipiyatindeg it Ampuꞌang Diyus nga apustul nga tiyaꞌeg yang mangadal it Magayen ngaytung Baritaꞌ pasar it karibriyan ngaytu nga ipiyabetang-betang ya.

Deuteronomio 31:3

Kanya na mismu, AMPUꞌANG DIYUS mi, i manguꞌna it imyu, nga si Josue ngaytu i gamiten ya. Puuꞌun it AMPUꞌANG DIYUS i mga bangsa nga pesagen it panaw mi, isaꞌun masakep mi i banwa nira.

Deuteronomio 34:5

Ta, si Moises ngayti nga manigsirbi it AMPUꞌANG DIYUS, duꞌun nay piyatayan ya it banwa nga Moab, uyun naga kat inaat it AMPUꞌANG DIYUS.

Deuteronomio 34:9

Ta si Josue ngayti nga anak ni Nun, talagang masepsep nga taw baw kaya ya nga mamaalaꞌ, sabap tiyapal naga kanya ni Moises, nga tandaꞌ it kanya nay sumubli. Aypaꞌ siyunud naga kanya it mga Israelita. Pagbuwaten nira i muꞌsang ipiyagꞌurdin it AMPUꞌANG DIYUS duꞌut ki Moises.

Tito 1:1

Dunguꞌ Tito, wayan i surat ku, aku nga si Pablo, nga manigsirbi it Ampuꞌang Diyus. Piyaꞌapustul aku ni Jesu-Cristo isaꞌun kat pangadal kut Magayeng Baritaꞌ, mamayaꞌ nay mga taw nga piniliꞌ ya. Tiyaꞌeg aku ka isaꞌun matantuwan niray kamatuudan bawnga mangaꞌgenan sira nga uyun kat kamatuudan ngaytu.

Santiago 1:1

Aku nga si Santiago, nga manigsirbi it Ampuꞌang Diyus baw Ampuꞌan nga si Jesu-Cristo, i tagsurat kaytu. Ipagpaꞌabut ku i aken nga pangumusta kat muꞌsang piniliꞌ it Ampuꞌang Diyus nga taawan ya, nga natari-tariwanak na kat paꞌari-aring rugar.

Josue 1:2

“Kayti,” maat it AMPUꞌANG DIYUS, “it ega nay si Moises nga manigsirbi ku, ikaw siꞌ i bayaꞌen it mga Israelita ngaytu. Magꞌali-alistu kamu na. Mandipag kamu na it danum it Jordan ka lumangbus kamu na duꞌun it banwa ngayan nga isiyanggup ku nga ibgay ku it imyu nga mga tungtung-inapuꞌ ni Israel.

Mga Ipiyalteg 1:18

Egen aku talaga it ega basta-bastang kaꞌgenan. Matuud natay aku temed egen aku naga kayti. Ega naytuy kaskedan it kaꞌgenan ku ngaytu. Talagang kat pamegbeg ku nay keseg it kamataynen baw rugar nga pagꞌaꞌanuꞌan it mga miyatay.