Joel 2:29 - Tagbanwa

²⁹ Eeꞌ baꞌ, kat iting timpu, talagang ildawan kuy maski mga uripen, babay, lalaki, nga pasaruman na sira gasiꞌ it Espiritu Santo ku.

Joel 2:29 Iomraidhean Croise

1 Corinto 12:13

Sabap kita nga muꞌsa, Judio u daꞌga, uripen u ega uripen, esa-esa talaga i Espiritu Santo nga subuk ibiyawtis it aten isaꞌun magbaraꞌ tami nga subuk esa-esa lamang nga bilug. Ka talagang esa-esa na ngaytung Espiritu Santo it Ampuꞌang Diyus i ipiyapasarum situt aten nga muꞌsa.

Galacia 3:28

Aypaꞌ ega nay piyagbelagan it mga Judio baw ega Judio, uripen baw ega uripen, u lalaki baw babay. Ka basta maglalagpit nat ki Cristo Jesus, inesa-esa tami nang muꞌsa.

Colosas 3:11

Kat baꞌgu ngaytung pangaꞌgenan ta ega naytuy piyagbelagan, Judio u ega Judio, tiyuriꞌan u ega tiyuriꞌan, mga taga beken nga banwa nga belag i ampang baw adat, mga maꞌiꞌiseg nga mga taw nga egay maski unu nga inadalan, mga uripen baw daꞌga uripen. Ega impurtantiꞌ in unuy duguꞌ it taw u in unuy kabetangan nira. Iyan lamang i impurtantiꞌ, si Cristo, in magpamayaꞌ tami it kanya u ega. Kanya i subrat muꞌsa baw magsasarum kanya kat muꞌsa nga magsarig baw magpamayaꞌ it kanya.