Joel 2:2 - Tagbanwa

² Itu nga aldaw, marurum baw ikasmek. Madlem i palinibut ka pangindelem na it matanip na nga apan nga magpalpay duꞌun it kabubukidan. Ega paytu nagꞌabut i atkaytu ngaytu garing paꞌ it tagnaꞌ, baw ega na gasiꞌ tu mabut paꞌ it sumaꞌup.

Joel 2:2 Iomraidhean Croise

Exodo 10:14

Lingkep nira i muꞌsang banwa nga Egipto. Kada rugar, dakel nga dakel i apan. Garing it tagnaꞌ paꞌ seked it kaꞌnu-kaꞌnu, ega masubraꞌan i kadakel it iti nga apan.

Exodo 10:6

Imu nga balay baw mga balay it mga katimbang mu baw muꞌsang mga taga Egipto, mapnuꞌ talaga it mga apan ngaytu. Garing it tagnaꞌ paꞌ, ega pay nalabayan it mga kagiyaringanan mi nga subung it malabayan mi kayti.’” Pagkatupus it iting inampang, limniꞌwan na Moises duꞌut adapan it adiꞌ ngayti.

Exodo 20:21

Temed magꞌaliꞌ paꞌ i mga taw ngayti, duꞌun na lamang sira it ala-alaid ngayti. Si Moises na lamang ngayti i nagpatpad duꞌut kunum ngayti nga maꞌpal nga duꞌun i Ampuꞌang Diyus.

Joel 2:31

Bawnga in magꞌaꞌabut nay ega basta-basta baw kaiꞌlaman nga aldaw nga ipangukuman it AMPUꞌANG DIYUS it katataawan, demlem nay aldaw. Iyan bulan, kat panleteg it taw, atnat duguꞌ.

Mateo 24:21

Sabap dakulaꞌ talaga nga kakuriꞌan i malabayan it katataawan. Eeꞌ baꞌ, mabut i timpu nga lumabay talagay mga taw it ega basta-basta nga kakuriꞌan nga ega paꞌ nalabayan garing it pagguna it banwa seked kayti ngaytu, baw ega na gasiꞌ tu malabayan paꞌ it seked it kaꞌnu-kaꞌnu.

Marcos 13:19

Sabap kat timpu ngayan nga iyanꞌen, dakulaꞌ talaga nga kakuriꞌan i malabayan it katataawan. Eeꞌ baꞌ, mabut i timpu nga lumabay talagay mga taw it ega basta-basta nga kakuriꞌan, nga ega paꞌ nalabayan garing it giyuna it Ampuꞌang Diyus i banwa seked kayti ngaytu, baw ega na gasiꞌ tu malabayan paꞌ it seked it kaꞌnu-kaꞌnu.

Hebreo 12:18

Subung nagat inaat ku, paꞌalaidan mi na i muꞌsang kasalaꞌan sabap, aten ngaytung dalan nga ipagkaꞌadap tami duꞌun it Ampuꞌang Diyus, ega subuk dalan it mga Israelita it tagnaꞌ, nga may magkaltegan it mata baw magkagnegan it talinga nira. Ka iyan duꞌun sirat Bukid it Sinai may magdidigalang nga sugut apuy, ereꞌeret nga kadleman, baw sebeg it deres nga atnat bagyu.

Judas 1:13

Talagang mga taw ngaytu, buwal sira nga subung it langeb in mabakat i dagat. Siging pamkas ya, sigi nagang dagsaꞌ it buraꞌ-buraꞌ baw dikut. Atkayan naga sira, ka kaꞌeyaꞌan i liꞌwan it maraꞌway nga pamagbuwaten nira. Subung baꞌ sira talaga it bituꞌun nga nakalꞌag. Pagꞌaꞌargan sirat Ampuꞌang Diyus it rugar nga egay kaskedang kadleman.

Mga Ipiyalteg 9:2

Bawnga inabriyan it paꞌaaten ngayting bituꞌun i siwang ngayti. Timnindeg i tabuk nga subuk epal it tabuk nga maggaring duꞌun it pira-pirang kaꞌumaan i siyuriban. Aypaꞌ ka diminlem i aldaw baw lawang sabap it tabuk ngayti.