Joel 2:13 - Tagbanwa

¹³ Eeꞌ baꞌ, ega desang rasiken mi i pakayan mi nga maat tandaꞌ it kasmek, in daꞌga masmekan mi it kamatuudan i kasalaꞌan mi. Pasakep kamu siꞌ it AMPUꞌANG DIYUS mi, ka talagang masanguꞌ kanya baw subraꞌ nga maꞌildaw. Ega madali-daliꞌ kanya miseg baw ega magkaꞌugad-ugad i kararas yat imyu. Pirmi nga magꞌaꞌareg yay pasinsiya ya baw ega basta-basta manriga kanya.

Joel 2:13 Iomraidhean Croise

Genesis 37:29

Ta, pagbaꞌnaw ni Ruben it kali ngayti nga inlugan, unupat ega nay duꞌun nga si Jose. Kat kadakulat kasmek yat ki Jose ngayti, piyanrarasik yay pakayan ya.

Genesis 37:34

Baw kat kadakulat kasmek ya, riyasik ni Jacob i pakayan ya, bawnga nagsambut it rambay nga maꞌerep ka yay adat nira in may dakulang magkasmekan. Naꞌlay talaga nga singgawan ya sabap it anak ya ngayting si Jose.

1 Mga Adiꞌ 21:27

Pagkagneg ni Acab it inaat ngaytit prupitaꞌ, riyasik ya nay pakayan ya. Nagpakay kanya na it maꞌerep, baw ega na pagꞌawaꞌen ya it maski migaꞌ kanya. Nagpuwasa kanya baw nagpababaꞌ kat kadakulaꞌ it kademdem ya.

2 Mga Adiꞌ 5:7

Pagkabasa it adiꞌ ngaytit Israel, piyanrarasik yay pakayan ya. Maat ya, “Unu na bayning kabetang i atna kayni, adimaat akuy Ampuꞌang Diyus nga magkabwat yang paꞌlayen u ega i taw, ka kanyay magseskel it ginawa! Unuka piyapaꞌasitu yat aken i taw ngaytung mabangbangen bawnga maat pagayenen kuy sarakiten ya ngaytu? In daꞌga bat pagpapuꞌnan ya it isaꞌun magkapagbunuꞌ kami.”

Isaias 58:5

Unuy tanud mi, masagyaan kuy atkaytu nga pagpuwasa it taw? Kat pagpuwasa mi ngaytu, desa nang pagpakuriꞌan mi i sadiling bilug. Rumunggukan kamu nga subung nat mga dikut nga pagdersan. Magpakay kamu it maꞌerep baw kaꞌabuwan nay pagliꞌtidan mi. Ka barang tanud mi, basta atkayan nay pagbuwaten mi, yay kamatuudan na nga pagpuwasa. Siguru tanud mi, magkasagyaan ku na i pagbuwaten mi ngayan nga atkayan.

Roma 2:4

Barang tanud mi, mga taw kamu na nga pagsagyaan nga pirmi it Ampuꞌang Diyus sabap it kadakulat ildaw yat imyu, baw kapalulusan ya nga pagpataꞌnan ya lamang it kaꞌlay ngaytu i mga kasalaꞌan mi. Temed subuk ega pagꞌabutun it pikiran mi nga, buwat ya nga atkaytu, sana yay tumaban it imyu it magsinguliꞌ baw mangindiꞌ it muꞌsa ngaytung mga kasalaꞌan mi.

Efeso 2:4

Temed ta, talagang bastanting-bastanti i kaꞌildaw ngaytut Ampuꞌang Diyus baw subray basta i raras ya it aten.

1 Timoteo 4:8

Sabagay may kapulusan nagat pagpakseg it bilug. Temed dakulaꞌ paꞌ talagay kapulusan it pagpakseg it pagsunud it kaꞌirgan it Ampuꞌang Diyus. Sabap liꞌwan ya, maꞌaten i isiyanggup nga ega basta-bastang kaꞌgenan mintras situ tami pat denaꞌ baw in duꞌun ta nat langit.