Joel 2:12 - Tagbanwa

¹² “Temed kayti na ngaytu,” maat it AMPUꞌANG DIYUS, “paꞌuliꞌan mi na aku baw magsinguliꞌ kamu it kamatuudan nga pagsinguliꞌ nga uyut i pagpuwasa, baw sumgaw kamu nga magkasmek kamu.”

Joel 2:12 Iomraidhean Croise

Exodo 33:5

Atkayti i binwat nira sabap it inaat it AMPUꞌANG DIYUS it ki Moises, nga magꞌaat, “Isugid mu it mga Israelita ngayan nga in mangiba aku pat imyu, barang puuꞌun ku kamu nga lagi sabap it masyadung madedsen i ulu mi. Aypaꞌ iriꞌen mi nay mga rurug it bilug mi bawnga ukumanan ku kamu.”

Isaias 58:4

Baw beken, in magpuwasa kamu, magmaꞌiseg kamu na. Ega maꞌlay magdaꞌe-daꞌegen kamu baw magraꞌe-raꞌeten na. Isugid kut imyu nga basta atkaytu i pagpuwasa mi, siguradu nga ega pagnegan ku i panalangin mi.

Ezekiel 33:11

Aypaꞌ isugid mu talaga duꞌun it mga Israelita ngaytu nga ituy ipagsugid it AMPUꞌANG DIYUS nga egay kasbung. ‘In magꞌuꞌunu ipagpamatuud ku nga egen aku, ipagpamatuud ku gasiꞌ nga ega talaga magkasagyaan ku i magpatay nga makasalaꞌan. Iyan talagay magkasagyaan ku, in indiꞌan ya nay kasalaꞌan ya isaꞌun ega na matay. Bangsa nga Israel, pedkanan mi na i mga karaꞌe-raꞌetan nga pamagbuwaten mi. Eeꞌ baꞌ, pedkanan mi na talaga. Unuka magpangeget kamu na?!’”

Daniel 9:3

Ta, it magꞌaꞌabut nay seked it iting timpu, aypaꞌ ka nanalangin aku duꞌun it Ampuꞌang Diyus. Nangabang aku duꞌun it kanya it may pagpuwasa baw magpapakay it maꞌerep baw inabuwan kuy pati bilug ku.

Mga Binwat 26:20

Uꞌnang piyangadalan ku, duꞌun nat Damasco, bawnga duꞌun it Jerusalem. Garing duꞌun liyekep-lekep kuy muꞌsang sakep it Judea bawnga naꞌaduꞌun akut mga banwa it taw nga ega Judio. Ipagpangadal kut kanira nga magsinguliꞌ baw indiꞌan i mga kasalaꞌan nira, ka pasakep nat Ampuꞌang Diyus, bawnga muwat it mga magagayeng buwat nga magpamatuud it sininguliꞌan baw inindiꞌan na niray tagnang buwat nirang ega magayen.

Mga Pagbayaꞌen 2:4

Pagkagneg it mga Israelita it inaat ngaytit Anghil it AMPUꞌANG DIYUS, talagang namagkasgaw sirang muꞌsa.