Genesis 9:6 - Tagbanwa

⁶ Eeꞌ baꞌ, in siyu-siyuy mimatay it masigkataw ya, kaꞌilangan nga imatayen naga kanya, sabap taw ngaytu, pamwat it kanya, agen-agen it kaladawan it Ampuꞌang Diyus.

Genesis 9:6 Iomraidhean Croise

Genesis 4:14

Ka ungaytu, pagꞌimugawun mu na aku situt lugtaꞌ ngaytung urumaan, baw ega na mapakay nga kat adapan mu paꞌ aku. Magbaraꞌ aku na ngaytung lemelꞌag. Barang bilaꞌ it atkaytu nay kabetangan ku, siyu-siyuy kaparag it aken, imatayen aku na.”

Genesis 42:22

“Daꞌga baꞌ yanay paꞌaaten ku ngayan,” maat ni Ruben, “nga magpaꞌaluk-aluk aku na ngayan it sabat it imyu nga ega ipabetang it maraꞌe-raꞌet i waꞌwaꞌ? Temed daꞌkamu nagpagneg. Ta kayti daꞌga ungaytu, pagrigaen tami na sabap it kamataynen ya.”

Genesis 5:1

Itu na ngaytu i paꞌyag pasar it mga kaꞌanak-anakan ni Adan. Iyan giyuna it Ampuꞌang Diyus na Adan, pamwat ya, magꞌagen-agen it kaladawan ya.

2 Mga Adiꞌ 11:1

Pagkaꞌrut ni Atalia, nga inaꞌ it adiꞌ nga si Ocozias, nga inimatay nay anak ya ngayti, binwat ya, ipiyaꞌimatay yay muꞌsang kaꞌanakan it anak ya ngayti nga si Ocozias ka kupagꞌadiꞌ kanya.

2 Mga Adiꞌ 11:16

Aypaꞌ diyakep nira si Atalia ngayti nga miyalagyu na. Duꞌun it pagpasledan it mga kabayuꞌ nga duꞌun it piyakakamaꞌyagan it mabakas nga balay it adiꞌ i natakdan nira. Pagkadakep, inimatay na.

Exodo 20:13

Kuydaw ka it pangimatay it masigkataw mu.

Mateo 26:52

Pagkalteg ni Jesus, siyabatan ya. Maat ya, “Iꞌangkap muy yuꞌgut mu ngayan, ka iyan magpamunuꞌ, ipatay ya, bunuꞌun naga.

Roma 13:4

Ka mga magpamaalaꞌ ngaytu, subuk mga manigsirbi it Ampuꞌang Diyus kat ikagayen mi. Temed talagang miꞌlam ka in maraꞌe-raꞌet i pagbuwaten mu, sabap egaytu lugud-lugud, may pudir nira talaga nga rimiga it imu it maski piyakamabeꞌgat nga ukuman. Ka sira, subuk alima it Ampuꞌang Diyus nga megay it panriga kat in unu nga karaꞌe-raꞌetan.

1 Corinto 11:7

Ka simpri ega mapakay nga may yumyum it rupa it lalaki in magtingped kamu sabap, kanya, ladawan it Ampuꞌang Diyus baw duꞌut lalaki matanyag i kabantugan it Ampuꞌang Diyus ngaytu. Temed iyan babay, dapat nga may yumyum it rupa sabap, duꞌut babay, kaꞌilangan matanyag i kabantugan it lalaki.

Santiago 3:9

Sabagay, dilaꞌ ta ngaytu i ipagbantug tami it Ampuꞌang Diyus nga Amaꞌ tami. Temed iyan na gasiꞌ i ipagpanumpa tami it beken nga surubung tami nga giyuna it Ampuꞌang Diyus nga ipiyasbung ya naga it sadili ya.

Mga Ipiyalteg 13:10

Kumpur piyabetang-betangan nga pirisuun, siguradung pirisuun naga yan. Baw kumpur piyabetang-betangan nga imatayen it tarep basiꞌ, ta atkayan naga, imatayen yan. Aypaꞌ ka mga taawan it Ampuꞌang Diyus, kaꞌilangan papaꞌgenen niray pamayaꞌ nira baw pagsarig it kanya ngaytu isaꞌun makateꞌteꞌ sira, maski sang unuy pakuriꞌ it kanira.

1 Samuel 15:33

Pagꞌabut mampang si Samuel, maat ya, “Kayti in magꞌuꞌunu mu inimatay i dakel nga pagtaw, atkayan ka naga imatayen kayti.” Unupat kiyeleng-keleng na ni Samuel si Agag ngayti duꞌun it sarungaan it papangantengan it ipagsamba duꞌut AMPUꞌANG DIYUS nga duꞌun ngaytit Gilgal.