Genesis 9:5 - Tagbanwa

⁵ Baw yay matuud, in siyuy paturuꞌ it duguꞌ mi, talagang abulun ku kat duguꞌ ya gasiꞌ. In may ramu-ramu nga mimatay it taw, kaꞌilangan imatayen naga kanya.

Genesis 9:5 Iomraidhean Croise

Genesis 42:22

“Daꞌga baꞌ yanay paꞌaaten ku ngayan,” maat ni Ruben, “nga magpaꞌaluk-aluk aku na ngayan it sabat it imyu nga ega ipabetang it maraꞌe-raꞌet i waꞌwaꞌ? Temed daꞌkamu nagpagneg. Ta kayti daꞌga ungaytu, pagrigaen tami na sabap it kamataynen ya.”

2 Mga Adiꞌ 11:1

Pagkaꞌrut ni Atalia, nga inaꞌ it adiꞌ nga si Ocozias, nga inimatay nay anak ya ngayti, binwat ya, ipiyaꞌimatay yay muꞌsang kaꞌanakan it anak ya ngayti nga si Ocozias ka kupagꞌadiꞌ kanya.

Exodo 20:13

Kuydaw ka it pangimatay it masigkataw mu.

Mateo 23:35

Ta, sabap it itu ngaytu, mabut it imyu i panriga sabap it muꞌsa ngaytung inimatay nga mga taw situt sinirungat langit nga mataldeng kat panleteg it Ampuꞌang Diyus, gimnaring duꞌun it mataldeng ngayti nga si Abel nga uꞌna-uꞌnang inimatay it tagnaꞌ paꞌ, miyabut duꞌun it pagꞌimatay it ki Zacarias nga anak ni Baraquias, nga inimatayan mi nga mga Judio it kanya, duꞌun it piyagtengaꞌan it kabalayan it Templo baw papangantengan nga duꞌun it piyakakamaꞌyagan ya.

Mga Binwat 17:26

Baw yay matuud, lamang esa-esay puꞌun ta nga taw, piyadakel ya nay mga bangsa, isaꞌun malkepan it taw i banwa ngaytu nga giyuna ya. Baw kanya nagay nagpabetang-betang it mga timpu baw banwa it kada bangsa ngaytu, nga in kaꞌnuy ipatindeg ya u ipuuꞌ, baw in ari mga seked it mataꞌidan nirang mga rugar.