Genesis 9:3 - Tagbanwa

³ Muꞌsang magkuliꞌget nga maginawa, magkakaꞌen mi na, nga yay dungag it pagkaꞌnen mi nang lagi nga mga luwak.

Genesis 9:3 Iomraidhean Croise

Genesis 9:2

Miꞌlam nat imyu i mga ramu-ramu, ganggang, baw manu-manuk, pati mga sedaꞌ, miꞌlam na gasit imyu, sabap ipagpabetang-betang ku nga muꞌsa ngaytu, kat pamegbeg mi na nga muꞌsa.

Roma 14:14

Talagang, kat keseg it pakilagpit ku it Ampuꞌan nga si Jesus, urut ku baw pagsisiguruun ku nga egay pangaꞌen nga, in sabap lamang it pangaꞌen ngayan, maꞌaat nga maraꞌe-raꞌet nga pagkaꞌnen kat panleteg it Ampuꞌang Diyus. Temed in may sang kalasing pangaꞌen nga, kat pasepsep it esang taw, pagpalꞌiyan it Ampuꞌang Diyus, ega na mapakay nga kaꞌnen ya ka, in kaꞌnen ya, kasalaꞌan ya na.

Roma 14:17

Sabap kaꞌadiꞌan ngaytu it Ampuꞌang Diyus, ega iyan i pagpaꞌiguꞌan, in unuy pagkaꞌnen baw pagꞌimnun tami, in daꞌga iyan pangaꞌgenan nga mataldeng, maꞌimbeng nga pakiꞌiba-iba it masigkataw, baw kasagyaan it nakem nga begay it Espiritu Santo.

Roma 14:20

Ega ranggaꞌen mu i buwat it Ampuꞌang Diyus kat pangaꞌgenan it maꞌiba mu in sabap lamang it pangaꞌen. Matuud nga ega nay pangaꞌen nga pagpalꞌiyan it Ampuꞌang Diyus, temed in ikapakursud mut iba mu kat kasalaꞌan i sabap it pagkaꞌnen mu, kasalaꞌan mu naga yan.

Roma 14:3

Temed maski atkayan, magayen ega tibabaꞌen it iyan mamagkaꞌen it maski unu i taw nga magpangangaliꞌ. Baw gasiꞌ iyan magpangangaliꞌ, ega sawayen mi i beken nga egay pagpangangaliꞌan nirang kaꞌnen, ka surubung kamu nga tiyanggap it Ampuꞌang Diyus.

1 Corinto 10:23

Magꞌaat yan i beken, “Mapakay ta nga buwaten i maski unu, basta ega biyawal it Ampuꞌang Diyus.” Sabagay na, temed ega muꞌsa ngaytu, ipagkagayen u ipagkapakseg it pamayaꞌ.

1 Corinto 10:31

Ega maat magꞌaꞌatkayan. Sana, kat muꞌsang pagbuwaten mi, in magkaꞌen, magꞌinum, u maski unu, magꞌintur nga kat ikabantug nga muꞌsa it Ampuꞌang Diyus.

Colosas 2:16

Aypaꞌ ega intindiyen mi sira asan nga magꞌukuman it imyu sabap ega pagsunudun mi i mga kaꞌurdinan nira pasar it pagkaꞌnen, pagꞌimnun, baw Aldaw it Kapaꞌnaan. Baw daꞌkamu magparagiꞌ it mga pistaꞌ nirat kada baꞌgung bulan u kada sang taꞌun.