Genesis 9:2 - Tagbanwa

² Miꞌlam nat imyu i mga ramu-ramu, ganggang, baw manu-manuk, pati mga sedaꞌ, miꞌlam na gasit imyu, sabap ipagpabetang-betang ku nga muꞌsa ngaytu, kat pamegbeg mi na nga muꞌsa.

Genesis 9:2 Iomraidhean Croise

Genesis 1:21

Bawnga giyuna siꞌ it Ampuꞌang Diyus i dadakulaꞌ nga ramu-ramu kat dagat. Baw muꞌsang beken nga maginawa nga mamanwa kat dagat, piyadakel ya sirang banar kat kanya-kanyang kalasi. Subung naga i muꞌsang magkalayug, kalasi-kalasi naga sira. Naltegan it Ampuꞌang Diyus nga magayen gasiꞌ i iting giyuna ya.

Genesis 1:26

Bawnga maat siꞌ it Ampuꞌang Diyus, “Iyan nay magayen tang buwaten, taw, baw ipasbung tat aten. Ibgay tat kanira i pudir kat muꞌsang banwa, pati betang ya nga subuk sedaꞌ, mga manu-manuk, muꞌsang ramu-ramu nga magkaꞌpet baw ega, baw kada ramu-ramu nga magkambang kat sagpaw it lugtaꞌ.”

Genesis 1:28

Pagkabwat ya it kanira, piyatdekan ya sit ampang ya nga may guna, nga magꞌaat, “Magꞌanak-anak kamu isaꞌun dumakel, isaꞌun magtaawan i kalayawan it banwa, baw sakpen mi i muꞌsang banwa. Ibgay ku it imyu i pudir kat muꞌsang giyuna ku, nga subuk sedaꞌ, manu-manuk baw muꞌsang ramu-ramu nga kat banwa.

Genesis 2:19

Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk.

Genesis 35:5

Bawnga napanaw na sira. Kat pabetang-betang it Ampuꞌang Diyus, nga magtatarima it ki Jacob ngayti, mga taw nga duꞌut katepad nira nga rugar, masyaduy iꞌlam nira it kana Jacob. Aypaꞌ daꞌgay nakaꞌurum tumundug nga muwat it ega magayen it kana Jacob ngayting nagliꞌid.

Genesis 9:1

Bawnga piyatdekan it Ampuꞌang Diyus it ampang ya nga may guna si Noe baw mga anak gasiꞌ ni Noe. Maat i inampang ya, “Magꞌanak-anak kamu isaꞌun dumakel naga i taw kat sinirungat langit, isaꞌun magtaawan nagay muꞌsang banwa.

Genesis 9:3

Muꞌsang magkuliꞌget nga maginawa, magkakaꞌen mi na, nga yay dungag it pagkaꞌnen mi nang lagi nga mga luwak.

Santiago 3:7

Daꞌga baꞌ muꞌsang kalasit ramu-ramu, daꞌgay-daꞌga magkapadisiran it taw? Ka may mga manu-manuk, sedaꞌ, mga ramu-ramu nga magpanaw baw maski mga magkambang i pamanaw nga piyagnek it taw.