Genesis 8:1 - Tagbanwa

¹ Ta, ega nalipatan it Ampuꞌang Diyus si Noe baw muꞌsang mga kaꞌibaan ya duꞌut pagsasakayan nira ngayti. Aypaꞌ ka piyaꞌyep ya nay deres kat sagpaw it lugtaꞌ. Ta, nagpapuꞌun nat mebas-ebas na i danum,

Genesis 8:1 Iomraidhean Croise

Genesis 19:29

Pagpanranggaꞌ it Ampuꞌang Diyus it iting banwa, talagang ega paglilipaten ya si Abraham. Aypaꞌ ipiyagribri ya si Lot ngayting kamanaken ni Abraham nga magtataid duꞌut inatkayti ya ngayting rugar.

Genesis 30:22

Ta si Raquel ngayti, ega naga maat nalipatan kanya it Ampuꞌang Diyus. Ka tiyubag ya nay kanyang panalangin, inildawan ya nang manganak gasit kanya.

Genesis 9:10

Ega lamang kamu, pati muꞌsang giyuna ku nga may ginawa nga kaꞌibaan mi, ramu-ramu baw manu-manuk, kumpur limnampud duꞌun it siyakayan mi ngayti.

Exodo 14:21

Binwat ni Moises, ipiyapatuꞌ ya i sungkud duꞌut sagpaw it dagat ngayti. Naglinag nga piyaꞌyep it AMPUꞌANG DIYUS i masbeg nga deres nga garing duꞌut lebatan. Egay beken, nabagiꞌ i danum. May magbabalantang na nga napraan duꞌut tenga-tengaꞌ.

Exodo 2:24

Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob.

Mga Ipiyalteg 16:19

Aypaꞌ ka nabagiꞌ it tulung bagiꞌ bawnga naranggaꞌ na i matanug ngayting siyudad it Babilonia. Baw naranggaꞌ gasiꞌ i muꞌsang siyudad situt sinirungat langit. Ka tiyuman it Ampuꞌang Diyus i isiyanggup ya pasar it panriga yat mga taga Babilonia ngayti. Talagang piyalabay yang banar it ega basta-bastang iseg ya. Iseg ya ngayti, subung it sang basu nga ipiyuꞌsa yat paꞌinum it kanira.

Mga Ipiyalteg 18:5

Sabap talagang kasalaꞌan ya, magrarapat nat langit. Talagang ega mapalipas it Ampuꞌang Diyus i mga karaꞌe-raꞌetan ya ngaytu.

1 Samuel 1:19

Pagkadedelman, inadle-adlem nira nga banar i pagsamba nirat AMPUꞌANG DIYUS. Pagkatiwas nira miyuliꞌ sirang lagi duꞌut Rama. Ta pagꞌabut it ki Ana nga idar, inildawan kanya nga matuud it AMPUꞌANG DIYUS nga dumarugmatiꞌ na.