Genesis 7:9 - Tagbanwa

⁹ nagsigꞌabut na sirang muꞌsa duꞌut sakayan ngayti ka siminled na, kumpur inaat it Ampuꞌang Diyus it ki Noe. Kada kalasi, nagꞌasawa i miyabut.

Genesis 7:9 Iomraidhean Croise

Genesis 2:19

Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk.

Genesis 6:22

Ta, muꞌsa ngayting ipiyagꞌaat it Ampuꞌang Diyus nga munaꞌaw ya it ki Noe, siyunud nga muꞌsa ni Noe.

Genesis 7:10

Desang matuud nga nakapitu, miyabut nay luyud nga ikiyaꞌampung na it muꞌsang banwa.

Genesis 7:15

Tagduwa-duwa kat muꞌsang maginawa i miyabut baw nagpasakay.

Genesis 7:16

Muꞌsa ngayti, may babay, may lalaki, ka yay ipiyagꞌaat it Ampuꞌang Diyus it ki Noe. Iyan duꞌun na sirang muꞌsa it seled it subuk baul ngayti, isiniradu nat AMPUꞌANG DIYUS i talaꞌep.

Genesis 7:8

Kat muꞌsang ramu-ramu baw manu-manuk, iyan nga mapakay nga ipagsamba baw ega,

Galacia 3:28

Aypaꞌ ega nay piyagbelagan it mga Judio baw ega Judio, uripen baw ega uripen, u lalaki baw babay. Ka basta maglalagpit nat ki Cristo Jesus, inesa-esa tami nang muꞌsa.

Colosas 3:11

Kat baꞌgu ngaytung pangaꞌgenan ta ega naytuy piyagbelagan, Judio u ega Judio, tiyuriꞌan u ega tiyuriꞌan, mga taga beken nga banwa nga belag i ampang baw adat, mga maꞌiꞌiseg nga mga taw nga egay maski unu nga inadalan, mga uripen baw daꞌga uripen. Ega impurtantiꞌ in unuy duguꞌ it taw u in unuy kabetangan nira. Iyan lamang i impurtantiꞌ, si Cristo, in magpamayaꞌ tami it kanya u ega. Kanya i subrat muꞌsa baw magsasarum kanya kat muꞌsa nga magsarig baw magpamayaꞌ it kanya.