Genesis 7:4 - Tagbanwa

⁴ Atkaytuy buwaten mu sabap, kapitu mana kayti, paꞌuranen ku na, baw maꞌlay yan nga uranan ka epat nga pulung aldaw baw delem. Atkaytu nay kaꞌlay ka puuꞌun ku i muꞌsang maginawa situt sinirungat langit nga giyuna ku.”

Genesis 7:4 Iomraidhean Croise

Genesis 2:5

ega pay magpanubuꞌ nga maski unu nga luwak, sabap ega paꞌ piyaꞌuran it AMPUꞌANG DIYUS i banwa baw ega paꞌ gasiꞌ i taw nga manluwa-luwak situt banwa.

Genesis 6:13

Iyan atnakayti, inaat it Ampuꞌang Diyus si Noe, “Kayti puuꞌun ku nay muꞌsang taw, pati banwa ngaytu, tunawun ku na, sabap talagang punung-punuꞌ nay banwa ngaytu it karaꞌe-raꞌetan nira.

Genesis 6:17

Atkaytuy buwaten mu sabap magꞌaꞌabut talaga nga ipapanaw ku kat muꞌsang banwa i ega basta-bastang lenep, isaꞌun mapuuꞌ i muꞌsang maginawa kat sinirungat langit. Matay sirang muꞌsa.

Genesis 6:3

Ta it atkayti na, maat it Ampuꞌang Diyus, “Ega na ipasigi ku i buwat it Espiritu Santo ku nga magpadisir baw magsupil it katataawan, sabap nagpadura-duraꞌit na sira it adat nga maraꞌe-raꞌet. Takaꞌ ildawan ku naga sira it sang gatus baw duwang puluꞌ nga taꞌun i kaꞌlay.”

Genesis 6:7

Iyan atnakayti, maat it AMPUꞌANG DIYUS, “Puuꞌun kuy katataawan nga giyuna ku kat sinirungat langit. Ega lamang taw, pati mga ramu-ramu baw manu-manuk, ka magkasmekan kuy in unuka giyuna ku sira.”

Genesis 7:10

Desang matuud nga nakapitu, miyabut nay luyud nga ikiyaꞌampung na it muꞌsang banwa.

Genesis 7:12

Miyuran it seledat epat nga pulung aldaw baw epat nga pulung delem.

Genesis 7:17

Seledat epat nga pulung aldaw, talagang dimnakulaꞌ na nga dimnakulaꞌ i luyud, pagꞌaꞌampungun nay muꞌsang banwa. Limintaw na i pagsasakayan na Noe.

Genesis 7:3

Pati mga manu-manuk, tagpipitung batu i pisiꞌen mu, babay, lalaki. Ikargaꞌ mi na isaꞌun muꞌsa ngaytu, may maꞌped naga nga yanagay panggaring-garingan it dumakel naga i situt banwa.

Genesis 8:10

Yapaꞌ siꞌ ipalayug ni Noe i kalapatiꞌ ngayti ka nakapitu.

Genesis 8:12

Minlat siꞌ si Noe it seked it kapitung aldaw, bawnga ipiyalayug ya siꞌ i kalapatiꞌ. Ta, ega na miyuliꞌ duꞌun it ki Noe.

Genesis 8:2

beken it mindek na i tumbud it danum baw timniꞌdaw nay uran.

Mga Ipiyalteg 3:5

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung papakayan ku kanya it pakayan nga maputiꞌ baw ega buraen kuy ngaran ya kat pagsuratat mga pagbegayan it kaꞌgenan nga egay kaskedan. Baw ipamatuud ku kat adapan it Amaꞌ ku baw mga anghil ya nga pagkilalaen ku talaga kanya nga aken nayan.