Genesis 7:21 - Tagbanwa

²¹ Egay beken, natay i muꞌsang maginawa kat sinirungat langit. Egay naꞌped, ramu-ramu, manu-manuk, pati taw.

Genesis 7:21 Iomraidhean Croise

Genesis 1:25

giyuna sit Ampuꞌang Diyus i muꞌsa nga kalasi it ramu-ramu, mga magkagnek baw ega magkagnek, baw muꞌsang kalasi it ramu-ramu nga magkambang kat sagpaw it lugtaꞌ. Naltegan it Ampuꞌang Diyus, magayen nagay iting giyuna ya.

Genesis 6:13

Iyan atnakayti, inaat it Ampuꞌang Diyus si Noe, “Kayti puuꞌun ku nay muꞌsang taw, pati banwa ngaytu, tunawun ku na, sabap talagang punung-punuꞌ nay banwa ngaytu it karaꞌe-raꞌetan nira.

Genesis 6:17

Atkaytuy buwaten mu sabap magꞌaꞌabut talaga nga ipapanaw ku kat muꞌsang banwa i ega basta-bastang lenep, isaꞌun mapuuꞌ i muꞌsang maginawa kat sinirungat langit. Matay sirang muꞌsa.

Genesis 7:4

Atkaytuy buwaten mu sabap, kapitu mana kayti, paꞌuranen ku na, baw maꞌlay yan nga uranan ka epat nga pulung aldaw baw delem. Atkaytu nay kaꞌlay ka puuꞌun ku i muꞌsang maginawa situt sinirungat langit nga giyuna ku.”

Mateo 24:39

Aypaꞌ pagꞌabut it lenep ngayti, egay tiya-tiyakap it katataawan. Ta unupat biyaraꞌan, namagkalmes sira nga muꞌsa ka isiyari nat belbeg. Atkayan naga yan i magꞌabut in pangabut na ngayan it Taga Langit nga Ipiyanganak it Taw.

Lucas 17:27

Sabap kat iting timpu, mamagkaraꞌnen-karaꞌnen, mamagꞌinum-inum baw mamagꞌasa-asawaen i katataawan seked it nagpasakay na si Noe duꞌun it binwat ya nga sakayan. Pagꞌabut it lenep nga ikiyatunaw it banwa, egay tiya-tiyakap it katataawan. Ta unupat biyaraꞌan, napuuꞌ sira nga muꞌsa.

Roma 8:20

Ka kayti, mga paryaman ngaytu, subuk ega na magkabaraꞌan it kabetangan nira kayti nga ega magkapaꞌuliꞌnan nira i tagnaꞌ nga kagayen nira. Ega maat sadili nirang ireg i kabetangan nira ngaytu, in daꞌga pabetang-betang nagat Ampuꞌang Diyus. Temed egaytu maat seked it kaꞌnu-kaꞌnu.

Roma 8:22

Ka magkaꞌrutan ta kayti nga muꞌsang mga paryaman ngaytu, garing it tagnaꞌ seked kayti, magkakuriꞌan. Kaꞌaat ka kabetangan nira, subuk babay nga pagsakitan na.

2 Pedro 2:5

Baw beken, dedemdemen mi nga sabap it pirmi nga pagkuntraꞌen it katataawan i kaꞌirgan it Ampuꞌang Diyus it iti, amulaꞌ pay banwa, aypaꞌ ka tiyunaw ya i banwa ngaytu. Talagang egay ipiyagribri ya nga beken, puyrat ki Noe baw pitung kataawan nga maꞌiba ya. Nakabetang i katataawan it atkayti maski ipagpatantu ni Noe it kanira in magꞌuꞌunuy pangaꞌgenan nga pagsagyaan it Ampuꞌang Diyus.