Genesis 7:1 - Tagbanwa

¹ Iyan naꞌman na, inaat nat AMPUꞌANG DIYUS si Noe, “Manled kamu nang muꞌsa nga sang anakan asat sakayan ngayan, sabap kat muꞌsang taw asat sinirungat langit, ikaw lamang i mataldeng kat panleteg ku.

Genesis 7:1 Iomraidhean Croise

Genesis 6:18

Temed may ipakiꞌupakat ku it imu. Aypaꞌ pagkaꞌman mu it sakayan ngaytu, pasakay kamu nang muꞌsa, duwa kamu magꞌasawa, pati mga anak mi, uyut gasiꞌ i kanirang mga asawa.

Genesis 6:9

Talagang si Noe ngayti, mataldeng kanya kat panleteg it Ampuꞌang Diyus. Kat iting timpu, kanya lamang i magayen nga adat it taw, ega nay beken. Talagang pagpaꞌresan ni Noe i kaꞌirgan it Ampuꞌang Diyus nga bilang kaꞌiba-iba ya nga pirmi.

Genesis 7:13

Kat iti nagang aldaw, nga miyabut nay luyud, nagpasakay na si Noe baw mga anak ya ngayting si Sem, si Cam baw si Jafet, pati mga asawa nira.

Genesis 7:7

Ta, egay beken, nanled na na Noe, puꞌsa sira magꞌaꞌanak, pati mga asawa nira, isaꞌun maribri naga kat magꞌaꞌabut ngayti nga luyud nga tumunaw it banwa.

Lucas 1:6

Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Lucas 17:26

Yay matuud, in magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ ku situ, aku nga Taga Langit nga Ipiyanganak it Taw.

Mga Binwat 2:39

Ka ituy isiyanggup it aten nga muꞌsa, pati mga kaꞌanakan ta baw mga taw duꞌut mga alalaid nga mga rugar, kumpur taꞌwagen it Ampuꞌang Diyus nga pasakep it kanya.”

Hebreo 11:7

Ta, si Noe gasiꞌ, paribasay magayen i pamayaꞌ ya, piyakimatuud yang banar i sasar it Ampuꞌang Diyus sabap it ega basta-bastang ukuman nga magꞌaꞌabut, maski ega pay nagpasar kat mata ya. Aypaꞌ, uyun gasiꞌ it inaat it Ampuꞌang Diyus, minwat kanya it dakulang masakayan nira, isaꞌun maribri sira nga sang anakan. Sabap it pamayaꞌ ya ngayti ipiyabetang kanya nga mataldeng kat panleteg it Ampuꞌang Diyus, baw sikayan gasiꞌ minyag nga dapat nga ukumanan i muꞌsa ngayting taw nga beken situt sinirungat langit ka daꞌsira namayaꞌ it inaat it Ampuꞌang Diyus.