Genesis 6:8 - Tagbanwa

⁸ Temed si Noe ngayti, siyagyaan kanyat AMPUꞌANG DIYUS.

Genesis 6:8 Iomraidhean Croise

Genesis 19:19

Beteꞌ paꞌangutun mi naga aku sabap ibinggay mi nagat aken i ildaw mi ngaytu nga ipiyagribri mi nagay ginawa ku. Yay matuud, ega na kaya ku nga abutun it palagyu i iting mga kabubukidan. Ka barang abutun aku nagat panranggaꞌ mi ngaytu, matay aku naga lamang nga asan pat dalan.

Mateo 24:37

In magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ situ it aku nga Taga Langit nga Ipiyanganak it Taw.

Lucas 1:30

Maat siꞌ it anghil ngayti, “Ayaw kat iꞌlam, Maria, sabap piniliꞌ ka nga matuud it Ampuꞌang Diyus nga ildawan ya.

Lucas 17:26

Yay matuud, in magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ ku situ, aku nga Taga Langit nga Ipiyanganak it Taw.

Mga Binwat 7:46

Paribasay, si David ngayti, talagang siyagyaan it Ampuꞌang Diyus, inangut ya nga in mapakay, ipalugut ya it kanya nga patindeg it balay nga papagsambaan nirat Ampuꞌang Diyus, sira nga mga tungtung-inapuꞌ ni Jacob.

Roma 11:6

Baw paribasay kaꞌildaw it Ampuꞌang Diyus i garing kaytu, ega maꞌaat ta nga napiliꞌ ya sira sabap duꞌun it mga sadili nirang pagbuwaten. Sabap in aaten ta sabap it mga buwat nirang sadili, intuntis nga ega na mataꞌwag nga kat kaꞌildaw it Ampuꞌang Diyus. Belag i ildaw, belag i buwat.

Roma 4:4

Aypaꞌ egaytu tumbas it pagsunud yat mga urdin. Kaꞌalimbawaan it itu ngaytu, beteꞌ, taw nga magꞌurnal. Iyan tangdan nga tanggapen ya sabap it buwat ya, ega pagtaꞌwagen nga ildaw it kanya in daꞌga tangdan ka may binwatan ya.

1 Corinto 15:10

Temed, sabap it subrang kaꞌildaw it Ampuꞌang Diyus, ipiyatindeg ya aku nga apustul, nga kayti, magsirbi nga banar it kanya. Ega naga nagbaraꞌ nga egay kakapulusan i ildaw ya ngaytu it aken. Talagang nagpaꞌres aku it subraꞌ paꞌ it maski siyu nga mga apustul ngaytu. Takaꞌ egaytu maat sadili ku nga kakayaan, in daꞌga tabang tu it Ampuꞌang Diyus it aken.

Galacia 1:15

Temed kat kaꞌildaw it Ampuꞌang Diyus it aken, piniliꞌ ya nang lagi aku parabir aku ipiyanganak baw ipiyatindeg ya aku nga manigsirbi it kanya.

2 Timoteo 1:18

Sana ildawan kanya it Ampuꞌan, pagꞌabut it aldaw ngayang ipangukuman. Ka urut mu talaga i kadakulat tabang ni Onesiforo ngayan asan it Efeso.

Tito 2:11

Ka kayti ipiyatantu it Ampuꞌang Diyus kat muꞌsang katataawan i kadakulat ildaw ya kat binwat ya nga karibriyan.

Tito 3:7

Ka yay matuud, inildawan ya kita nga tiyanggung ni Jesu-Cristo i kasalaꞌan tami, ka ipabetang ya na kita nga mataldeng kat panleteg ya. Binwat yay atkaytu isaꞌun maꞌaten talagay pagsisiguruun tami nga kaꞌgenan nga egay kaskedan.

Hebreo 4:16

Aypaꞌ kayti, magayen daꞌtami na paꞌinte-intereꞌ, madap nga lagi duꞌun it Ampuꞌang Diyus, ka maski mataꞌas kanya nga magbebegbeg it muꞌsa, maꞌildaw kanya nga banar. Baw masiguru tami nga kat timpu nga kaꞌilangan tami i tabang ya, ibgay yat aten i ildaw ya ngaytu nga pagꞌangutun tami kat panalangin.

2 Pedro 2:5

Baw beken, dedemdemen mi nga sabap it pirmi nga pagkuntraꞌen it katataawan i kaꞌirgan it Ampuꞌang Diyus it iti, amulaꞌ pay banwa, aypaꞌ ka tiyunaw ya i banwa ngaytu. Talagang egay ipiyagribri ya nga beken, puyrat ki Noe baw pitung kataawan nga maꞌiba ya. Nakabetang i katataawan it atkayti maski ipagpatantu ni Noe it kanira in magꞌuꞌunuy pangaꞌgenan nga pagsagyaan it Ampuꞌang Diyus.