Genesis 6:6 - Tagbanwa

⁶ Talagang nasmekan it AMPUꞌANG DIYUS i in unuka giyuna yay taw baw piyadakel kat sinirungat langit. Talagang nasusa nga banar i nakem ya.

Genesis 6:6 Iomraidhean Croise

Genesis 6:7

Iyan atnakayti, maat it AMPUꞌANG DIYUS, “Puuꞌun kuy katataawan nga giyuna ku kat sinirungat langit. Ega lamang taw, pati mga ramu-ramu baw manu-manuk, ka magkasmekan kuy in unuka giyuna ku sira.”

Exodo 32:14

Ta ega naga ipiyatubus it AMPUꞌANG DIYUS i napikir ya ngayti nga puuꞌun i mga Israelita.

Ezekiel 33:11

Aypaꞌ isugid mu talaga duꞌun it mga Israelita ngaytu nga ituy ipagsugid it AMPUꞌANG DIYUS nga egay kasbung. ‘In magꞌuꞌunu ipagpamatuud ku nga egen aku, ipagpamatuud ku gasiꞌ nga ega talaga magkasagyaan ku i magpatay nga makasalaꞌan. Iyan talagay magkasagyaan ku, in indiꞌan ya nay kasalaꞌan ya isaꞌun ega na matay. Bangsa nga Israel, pedkanan mi na i mga karaꞌe-raꞌetan nga pamagbuwaten mi. Eeꞌ baꞌ, pedkanan mi na talaga. Unuka magpangeget kamu na?!’”

Joel 2:13

Eeꞌ baꞌ, ega desang rasiken mi i pakayan mi nga maat tandaꞌ it kasmek, in daꞌga masmekan mi it kamatuudan i kasalaꞌan mi. Pasakep kamu siꞌ it AMPUꞌANG DIYUS mi, ka talagang masanguꞌ kanya baw subraꞌ nga maꞌildaw. Ega madali-daliꞌ kanya miseg baw ega magkaꞌugad-ugad i kararas yat imyu. Pirmi nga magꞌaꞌareg yay pasinsiya ya baw ega basta-basta manriga kanya.

Malakias 3:6

“Aku nga AMPUꞌANG DIYUS, talagang daꞌku pabaꞌgu-baꞌgu. Aypaꞌ ka ega piyuuꞌ ku kamu nga mga tungtung-inapuꞌ ni Jacob,

Roma 11:29

Ka basta napikir ya nga miliꞌ kanya it esang taw nga begayan ya it ega basta-bastang ildaw ya, egaytu alang-alang.

Efeso 4:30

Paꞌalaidan mi na i maski unu nga buwat nga magkasmekan it Espiritu Santo nga ipiyapasarum it Ampuꞌang Diyus kat bilug mi, kanya nga pagpangaranat Santo ka alaid kanya kat muꞌsang kasalaꞌan. Dedemdemen mi nga Espiritu Santo ngaytu i subuk markaꞌ it Ampuꞌang Diyus it imyu nga kariꞌgenan mi it, kamu, maribri kat panriga ya sabap it kasalaꞌan mi in maꞌbut nay ipiyagtirminu nga aldaw.

Hebreo 3:10

Aypaꞌ ka naꞌisgan ku na sira, ka namuyaan ku nga pirmi sirang magpablag it aken. Talagang lamwat sira nga pirmi nga pagpasngelan i dalan nga ipagtulduꞌ kut kanira.

Hebreo 3:17

Ta siyu gasiꞌ i inisgan ngaytut Ampuꞌang Diyus it seledan it epat nga pulung taꞌun? Daꞌga baꞌ iyan namagbuwat it kasalaꞌan aypaꞌ simnari sirat patay duꞌun it rugar nga kapupuyangtan?

Santiago 1:17

Ampuꞌang Diyus i puꞌun it muꞌsang kagayenan, baw purus magayen i ipagbegay ya. Ega talagay kakurangan it ildaw nga magpanggaring duꞌun it Amaꞌ ta ngaytu nga gimnuna it muꞌsang mga mamagꞌeyag duꞌun it langit. Mga giyuna ya ngaytu, magꞌugad-ugad i eyag nira, temed Ampuꞌang Diyus, talagang ega magꞌugad-ugad i adat yat kanya.

1 Samuel 15:11

“Sayang na lamang i pagpiliꞌ ku it ki Saul nga magꞌadiꞌ, sabap tiyalikudan ya naga aku. Ega siyunud yay mga ipiyagꞌaat kut kanya.” Pagkagneg ni Samuel kayti, nasmek kanya nga banar. Naglinag naga kanya nga magpasanguꞌ-sanguꞌ duꞌun it AMPUꞌANG DIYUS sabap it ki Saul ngayti.

1 Samuel 15:29

Ka mabantug ngaytu nga AMPUꞌANG DIYUS it bangsa ngaytu nga Israel, talagang matuud i muꞌsang pagꞌaaten ya baw ega pabaꞌgu-baꞌgu seked it kaꞌnu-kaꞌnu. Ega kanya subung it taw nga magꞌalang-alang.”

1 Samuel 15:35

Gimnaring sikayti, ega na magpakikita si Samuel it ki Saul, ka nasmekan ya nagay atkayting mga kaꞌulugan. Kat AMPUꞌANG DIYUS, pagsayangen yay pagkapiliꞌ ya ngaytit ki Saul nga magꞌadiꞌ.