Genesis 6:5 - Tagbanwa

⁵ Namuyaan it Ampuꞌang Diyus nga karaꞌe-raꞌetan nay nakapnuꞌ duꞌun it katataawan ngayti, ka pagsumbayaꞌen na nira nga banar i muꞌsang karaꞌe-raꞌetan kat nakem nira.

Genesis 6:5 Iomraidhean Croise

Genesis 13:13

Mga taw ngayti duꞌut Sodoma, mararaꞌe-raꞌet i adat, talagang makasalaꞌan sirang banar kat panleteg it AMPUꞌANG DIYUS.

Genesis 8:21

Siyagyaan it AMPUꞌANG DIYUS nga inarek ya, bawnga maat it AMPUꞌANG DIYUS kat sadili ya, “Ega na sumpaan kut sumaꞌup i banwa sabap it kasalaꞌan it taw. Pagꞌuꞌrutan ku nga karaꞌe-raꞌetan i nakapnuꞌ it nakem it taw garing pat pagwaꞌwaꞌ ya. Temed ega na puuꞌun ku i muꞌsang maginawa nga subung it binwat ku ngaytu.

Mateo 15:19

Sabap magpanggaring kat nakem i muꞌsang maraꞌe-raꞌet nga pagpikiren nga magtaban it taw kat mga itu ngaytung pagbuwaten, nga pangimatay, muꞌsang kalasit pamakun duꞌun it ega asawa mu, panakaw, pamuwat-buwat baw panibabaꞌ.

Mateo 24:37

In magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ situ it aku nga Taga Langit nga Ipiyanganak it Taw.

Lucas 17:26

Yay matuud, in magꞌuꞌunu ega kat ulu it mga taw kat timpu ni Noe i panriga nga mabut it kanira, atkayan naga kat pamaꞌuliꞌ ku situ, aku nga Taga Langit nga Ipiyanganak it Taw.

Tito 3:3

Dedemdemen mu nga katꞌesa, pati kita nga magpamayaꞌ na, kurang tami pat kasepsep, masusutil, baw nateꞌag-teꞌag pasar it dalan it kamatuudan. Kat iting timpu pagꞌuꞌuripnen tami pat mga maraꞌe-raꞌet nga kaꞌirgan it bilug tami nga pagsumbayaꞌen ta. Tagnang mga adat tami, mapiyanggated it masigkataw baw maꞌinggit. Pagꞌisgan tami it beken. Sira, pagꞌisgan tami gasiꞌ.