Genesis 6:4 - Tagbanwa

⁴ Kat iti nga timpu, timpu ngayti nga namagpangasawa na i paꞌaaten nga mga anak it Ampuꞌang Diyus it mga paꞌaaten nga mga anak it taw baw namagꞌanak-anak na ngayti, may mga taw na nga lagi nga pagtaꞌwagen it Nefilim. Nagpanaw paꞌ it naꞌlay may iti paꞌ nga mga taw. Baw mga Nefilim ngayti, matanug nga mga mandadaꞌeg nga mga taw.

Genesis 6:4 Iomraidhean Croise

Genesis 11:4

Pagkamuya nirat magkabwat sirat iting mga bagay, namagꞌupa-upakaten siꞌ sira. “Esa-esa ga,” maat nira, “magbuwat tamit magayeng lansangan baw patindeg tamit balay nga ega basta-basta i kaꞌabwat nga kaꞌbut duꞌut langit i alibubungan ya, isaꞌun matanug tami baw ega na matariwanak situt sinirungat langit.”

Mga Bilang 13:33

Iyan beken, bilaꞌ, atnat laꞌu-laꞌun ka mga Nefilim, nga mga tungtung-inapuꞌ ni Anac. Pane-panemdem namen, subung kami na lamang it mga paya-payaꞌtung. Siguru barang atkayan gasiꞌ i panemdem nirat amen.”

1 Samuel 17:4

May sang kataawan duꞌut mga Filisteo ngayti nga bantug nga mamumunuꞌ ka maꞌiseg nga banar. Taga Gat kanya, ngaran ya si Goliat. Atnat laꞌu-laꞌun i iting taw ka kalawas ya, subrat sang tindeg baw tengaꞌ.