Genesis 6:2 - Tagbanwa

² Paribasay mga daraga i mga babay ngayti nga anak it taw, naꞌirgan it mga anak it Ampuꞌang Diyus. Egay beken, siyari nira nat asawa i kanya-kanyang naꞌigut mata.

Genesis 6:2 Iomraidhean Croise

Genesis 12:11

Desang adeꞌdeng na kanya duꞌut Egipto, inupakat ya si Sarai ngayting asawa ya. Maat ya, “Talagang ikaw ngaytu, daraga, magayen nga pagletganan.

Genesis 24:3

Ireg ku nga sumumpa ka, nga pagdedngegen it AMPUꞌANG DIYUS, kanya nga magbebegbeg it banwa may langit. Isumpa mu nga ega situt Canaan ngaytung pagtataꞌidan ta kayti i piliꞌan mut asawaen it anak ku nga si Isaac.

Genesis 26:35

Talagang ipagkapanrurunggukan na Isaac, duwa magꞌasawa, i mga adat baw uꞌugaliꞌen it duway ngayting miyagad nira.

Genesis 27:46

Egay beken, naꞌaduꞌun si Rebeca it ki Isaac. Maat ya, “Talagang maraꞌway ku i mga miyagad ta ngaytu nga mga Heteo. Ta kayti in si Jacob ngaytu, kapangasawa gasit mga Heteo ngaytu, nga subung nagat duwa ngaytung mga asawa ni Esau, subuk daꞌku na magkabaraꞌan. Ega nay kapulusan it aken, maski egen aku paꞌ.”

Genesis 3:6

Ta, it namuyaan it babay ngayti nga palan magayeng kaꞌnen i buwaꞌ it iting kayu, ka magaye-gayeng pagletganan, baw iti na ngayti, mapisiꞌan it ega basta-bastang kasepsep, miyuꞌpuꞌ na kanya ka kimnaꞌen na. Binggayan ya gasiꞌ i iba ya ngayting lalaki nga minlep duꞌut kanya. Pagkabgay it kanya, kiyaꞌen ya na gasiꞌ.

Genesis 4:26

Pagpangasawa ni Set, nakaꞌanak it lalaki, piyangaranan yat ki Enos. Garing duꞌun it iting timpu, nagpapuꞌun nay mga kaꞌanakan ngayti ni Set nga tumaꞌwag it AMPUꞌANG DIYUS nga pagsambaen nira na it mamagtingped.

Genesis 6:1

Iyan dimnakel nay taw kat sinirungat langit, nagsigꞌanak-anak na. Dakel na nga mga babay i ipiyanganak.

Genesis 6:3

Ta it atkayti na, maat it Ampuꞌang Diyus, “Ega na ipasigi ku i buwat it Espiritu Santo ku nga magpadisir baw magsupil it katataawan, sabap nagpadura-duraꞌit na sira it adat nga maraꞌe-raꞌet. Takaꞌ ildawan ku naga sira it sang gatus baw duwang puluꞌ nga taꞌun i kaꞌlay.”

2 Samuel 11:2

Kaꞌsang apun, minigaꞌ si David. Pagkasulag ya it apu-apun na, miyapyat duꞌut mapatag nga atep it mabakas ngayting balay ya. Ta it duꞌun na kanya magpanaw-panaw, may nalawag ya nga magpamaꞌyuꞌ nga babay nga masyadung kadaraga.

Exodo 34:16

Baw gasiꞌ, in pakiꞌamigus kamu na, simpri makaꞌasawa nay mga anak mi nga lalaki it mga babay nira duꞌun. Ta baraꞌan kayan, mataban na sirat pakisamba in magsamba sira it pagbete-beteꞌen nirang mga diyus.”

Malakias 2:15

Daꞌga baꞌ ipiyabetang-betang it AMPUꞌANG DIYUS nga mga nagꞌasawa, subung na it sang kabilu-bilugan baw sang kanake-nakeman? Ta unu yan i kat nakem ya? Isaꞌun manganak kamu it matuud nga mga taawan ya. Aypaꞌ, magꞌintur kamu baꞌ, nga egay maski siyu it imyu nga manluku it babay nga inasawa ya it iyan mangaꞌwaꞌen kamu paꞌ, in daꞌga teꞌteꞌan mi i pagꞌasawa mi ngaytu.

1 Corinto 7:39

Iyan babay nga may asawa na, ega mauꞌbadan kanya mintras egen pay asawa ya ngayti. Takaꞌ in natay nay asawa ya, subuk nauꞌbadan na. Mapakay na nga paꞌasawa siꞌ it maski siyuy ireg ya, basta gasiꞌ magpamayaꞌ it Ampuꞌan i paꞌasawaen ya.

2 Corinto 6:18

Mabut i aldaw nga, aku, Amaꞌ mi na, baw kamu, babay, lalaki, ipabetang ku nayan nga mga anak ku.” Yanay inaat it Ampuꞌang Diyus nga landaw nga guna.

2 Pedro 2:14

Kada leteg nira, pagrambang mata. Sabap egay beken nga tutulus nira, mga babay nga mapiyarayag-rayag. Talagang egay kaskedan it buwat nirat kasalaꞌan. Mapiyandayaꞌ sira it iyan malubay paꞌ i pamayaꞌ. Talagang pangtasan na sirat pagsumbayaꞌ it kaꞌingarum nira. Atkaytung mga taw, siguradu talaga nga rigaen it Ampuꞌang Diyus.

1 Juan 2:16

Sabap muꞌsang karaꞌe-raꞌetan situt sinirungat langit, kuntraꞌ talaga it Ampuꞌang Diyus. Subung it adat nga pagsumbayaꞌen i sadiling kaꞌirgan nga maraꞌe-raꞌet, adat nga kupisiꞌen nay muꞌsang bagay nga magkaltegan, baw adat nga ipagpalandi-landi i mga bagay kat pangaꞌgenan ta. Ega yan garing duꞌut Diyus Amaꞌ i itung mga adat, in daꞌga garing situt sinirungat langit.