Genesis 6:11 - Tagbanwa

¹¹ Temed kat mga beken nga taw, piyaraꞌe-raꞌet nira nang banar i pangaꞌgenan nira. Talagang karaꞌe-raꞌetan nay nakapnuꞌ kat paꞌari-aring rugar.

Genesis 6:11 Iomraidhean Croise

Genesis 13:13

Mga taw ngayti duꞌut Sodoma, mararaꞌe-raꞌet i adat, talagang makasalaꞌan sirang banar kat panleteg it AMPUꞌANG DIYUS.

Genesis 6:10

Baw yanayan, lalaki nga tulu i anak ya, si Sem, si Cam baw si Jafet.

Genesis 7:1

Iyan naꞌman na, inaat nat AMPUꞌANG DIYUS si Noe, “Manled kamu nang muꞌsa nga sang anakan asat sakayan ngayan, sabap kat muꞌsang taw asat sinirungat langit, ikaw lamang i mataldeng kat panleteg ku.

2 Cronica 34:27

Namuyaan ku nga ega piyadsen muy ulu mu pagkagneg it mga ampang ngayan pasar it pangukuman ku it itung rugar baw mga taw ya. Baw namuyaan ku gasiꞌ nga nagpababaꞌ ka baw nagsinguliꞌ nga banar it piyanrarasik mu na i pakayan mu, nga biyayaꞌ nat luwaꞌ mu kat adapan ku. Aypaꞌ ka piyagnegan ku i panalangin mu,’ maat it AMPUꞌANG DIYUS.

Exodo 32:7

Ta, it atkayti na, maat it AMPUꞌANG DIYUS it ki Moises, “Uliꞌen mu kayti i mga Israelita nga kabilug mu ngayan nga ipiyaliꞌwan mu duꞌut Egipto. Kayting-kayti egay beken nga buwat nira, mamagparaꞌe-raꞌet na it sadili nira.

Lucas 1:6

Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Roma 2:13

Ka ega maat tumaldeng i taw kat panleteg it Ampuꞌang Diyus in sabap lamang it piyaskelan it mga urdin ya, in daꞌga iyan lamang nga magsunud it mga urdin ngaytu.

Roma 3:19

Baw magkaꞌrutan ta na nga unu-unu nga pagsugiden it ampang ngaytut Ampuꞌang Diyus, ega lamang mga taw nga ega Judio i pagpaꞌiguꞌan in daꞌga mga Judio gasiꞌ, ka siray uꞌna-uꞌnang pagsasakpan it mga urdin ya. Aypaꞌ ega nay makadaꞌawa it maski siyu in mangukuman na i Ampuꞌang Diyus ngaytu. Limiꞌwan talaga nga mapakay nga betanganan ya it ukuman i muꞌsang taw.

Mga Pagbayaꞌen 2:19

Temed basta yan natay i pagbayaꞌen nira ngayti, buwaten it mga Israelita, paꞌuliꞌan nira siꞌ i pagsambaen nira ngayti nga pagbete-beteꞌen nga mga diyus. Subraꞌ paꞌ it karaꞌe-raꞌetan it mga kagiyaringanan nira i kanira nga mga pagbuwaten. Talagang namagpategas sira nga ega indiꞌan nira i karaꞌe-raꞌetan nira ngayti.