Genesis 5:2 - Tagbanwa

² Lalaki baw babay i giyuna ya, baw piyatdekan ya sira it ampang nga ikagayen it bilug nira. Yay ipiyangaran yat kanira, taw.

Genesis 5:2 Iomraidhean Croise

Genesis 1:27

Egay beken, giyuna nat Ampuꞌang Diyus i taw. Pamwat ya, agen-agen it kaladawan ya. Nagtingkaꞌ i binwat ya, lalaki baw babay.

Genesis 1:28

Pagkabwat ya it kanira, piyatdekan ya sit ampang ya nga may guna, nga magꞌaat, “Magꞌanak-anak kamu isaꞌun dumakel, isaꞌun magtaawan i kalayawan it banwa, baw sakpen mi i muꞌsang banwa. Ibgay ku it imyu i pudir kat muꞌsang giyuna ku, nga subuk sedaꞌ, manu-manuk baw muꞌsang ramu-ramu nga kat banwa.

Genesis 2:15

Ta duꞌun nat kalulwakan ngayti i piyataꞌidan it AMPUꞌANG DIYUS it taw ngayti nga lalaki nga binwat ya, ka yanayti i marigra.

Genesis 2:23

Pagꞌabut duꞌun, siyagyaan talaga it lalaki ngayti, nga maat ya, “Ta, in iyan, may iba ku na! Ka tuꞌlang, isi, subung talagat aken nga pamilug i pamilug ya. Babay i panaꞌwag it kanya sabap pinsiꞌ kanya kat bilug it lalaki.”

Genesis 5:3

Magꞌidad si Adan ngaytit sang gatus baw tulu nga pulung taꞌun, nakaꞌanak sit lalaki nga subung it pagtaw-taw ya naga. Piyangaranan na ngaytit ki Set.

Malakias 2:15

Daꞌga baꞌ ipiyabetang-betang it AMPUꞌANG DIYUS nga mga nagꞌasawa, subung na it sang kabilu-bilugan baw sang kanake-nakeman? Ta unu yan i kat nakem ya? Isaꞌun manganak kamu it matuud nga mga taawan ya. Aypaꞌ, magꞌintur kamu baꞌ, nga egay maski siyu it imyu nga manluku it babay nga inasawa ya it iyan mangaꞌwaꞌen kamu paꞌ, in daꞌga teꞌteꞌan mi i pagꞌasawa mi ngaytu.

Mateo 19:4

Katubag si Jesus, maat ya, “Unu baꞌ, ega paꞌ nabasa mi kat isiyurat nga ampang it Ampuꞌang Diyus ngayan nga magꞌaat, ‘Puꞌun-puꞌun it taw, giyuna sira it Ampuꞌang Diyus, babay baw lalaki.’

Marcos 10:6

Ka daꞌga baꞌ garing it tagnaꞌ paꞌ, pagguna it Ampuꞌang Diyus it banwa, giyuna ya i babay baw lalaki?

Mga Binwat 17:26

Baw yay matuud, lamang esa-esay puꞌun ta nga taw, piyadakel ya nay mga bangsa, isaꞌun malkepan it taw i banwa ngaytu nga giyuna ya. Baw kanya nagay nagpabetang-betang it mga timpu baw banwa it kada bangsa ngaytu, nga in kaꞌnuy ipatindeg ya u ipuuꞌ, baw in ari mga seked it mataꞌidan nirang mga rugar.