Genesis 45:3 - Tagbanwa

³ “Aku na ngaytu baytu si Jose,” maat yat mga sulsug ya ngayti. “Unu egen paꞌ nga matuud i amaꞌ tami?” Temed daꞌsira nakariꞌe-riꞌeng ka talagang magꞌiꞌlam nga banar.

Genesis 45:3 Iomraidhean Croise

Genesis 37:20

Esa-esa ga, imatayen tami bawnga iꞌlug duꞌut esa it mga kali ngaytung sasaradan it danum. Panugid tami duꞌut balay, aaten tami, siyamay-samay nat kumakaꞌen nga ramu-ramu duꞌut piyanawan ya. Letganan tami in unu paꞌ sadaw i lapusan it piyamagtagaynep ya ngayan.”

Genesis 42:21

Sikayti nakapagsugi-sugid sirang muꞌsa nga maat nira, “Siguru tiksaꞌ naytut aten it binwat tami ngayan it sulsug ta, nga urut ta naga i kasmek it nakem ya temed ega na piyagnegan tami i pasanguꞌ-sanguꞌ yat aten. Aypaꞌ kayti ungaytu nay magkabetangan ta ngaytu.”

Genesis 42:22

“Daꞌga baꞌ yanay paꞌaaten ku ngayan,” maat ni Ruben, “nga magpaꞌaluk-aluk aku na ngayan it sabat it imyu nga ega ipabetang it maraꞌe-raꞌet i waꞌwaꞌ? Temed daꞌkamu nagpagneg. Ta kayti daꞌga ungaytu, pagrigaen tami na sabap it kamataynen ya.”

Genesis 43:27

Kiyumusta sira nga muꞌsa ni Jose bawnga iningkut ya sira nga magꞌaat, “Maꞌunu nagay ginawa it amaꞌ mi? Unu, makula-kulaꞌsi naga?”

Marcos 6:50

Talagang pagkalteg nirang muꞌsat kanya, nakapagyegyeg sirat iꞌlam. Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Lucas 5:8

Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

Mga Binwat 7:13

Iyan ikadwa nang aduꞌun nira, yapay kakilala nira nga, palan, sulsug nira nga si Jose i pagꞌabutun nira, nga kanyay magpamaalaꞌ it pamgay it kumpur magpamari ngayti. Nakilalaan nira kanya ka nagpakilala na si Jose it kanira. Duꞌun kayti naꞌrutan it adiꞌ ngayti i pasar it mga kaduguꞌan ni Jose.

Mga Binwat 9:5

“Ay, siyu ka bayan, Agalen?” maat ni Saulo. “Si Jesus aku. Aku talaga i pagpakuriꞌan mu”, maat i tubag it kanya.

Mga Ipiyalteg 1:7

Dedemdemen mi tu, mabut kanya nga subuk mangindelangan it kunum. Talagang maltegan tu it muꞌsang katataawan, pati mga nagꞌimatay it kanya. Ta sabap it kanya ngaytu, sumgaw i muꞌsang bangsat taw situt sinirungat langit, ka matantuwan na niray panriga. Talagang matkaytuytu nga matuud.