Genesis 44:2 - Tagbanwa

² “Bawnga,” maat ya, “in duꞌun nat sakuꞌ it kiyaꞌpusan ngayan, ibtang mu duꞌun i iꞌimnan ku ngaytung pirak i binwat, nga uyut it kanya nga pirak nga ipiyagbayad yat kanya.” Siyunud nga muꞌsa it sarig-sarigan i kumpur ipiyagꞌaat ngaytit kanya.

Genesis 44:2 Iomraidhean Croise

Genesis 42:20

Temed yan paꞌuliꞌ kamu nga lagi situ baw magbabayaꞌ nat imyu i paꞌaaten mi ngayting ariꞌ mi, sikaytu maꞌrutan ku nga matuud i paꞌaaten mi, daꞌkamu magꞌambut. Ta daꞌkamu yan maꞌunu.” Miyeeꞌ i muꞌsa ngayti.

Genesis 42:25

Bawnga inaat ni Jose i mga taawan ya nga rugdan nat pangaꞌen i mga sakuꞌ it iting mga taw baw ibtang naga duꞌun i mga ibiyayad nira. Pabalunan paꞌ sira it kaꞌnen nira duꞌut dalan. Kumpur inaat ngayti ni Jose, siyunud nga muꞌsa it mga taawan ya.

Genesis 43:32

Tiyarakanan it ki Jose, duꞌut sangbat nga lamisaan, esa-esa yat kanya. Mga sulsug ya ngayti, duꞌut sang kalamisaanan. Mga taga Egipto nga kaꞌibaan ya, bulun siray kanira, ka pagliꞌyan nira in maꞌiba nirat kumaꞌen i mga Hebreo.

Genesis 44:1

Pagkakaꞌen, ipiyagtaꞌeg ni Jose it sarig-sarigan ya nga pamtangan nat pangaꞌen i mga sakuꞌ it mga taw ngayti, pangipnuꞌun. Baw inaat ya nga parabir taiꞌen, irgud naga duꞌun i kumpur ipiyamagbayad nira.

Genesis 44:12

Inesa-esa it sarig-sarigan ngaytit mimuyaꞌ, giyaring ya duꞌut pirisiꞌen it kiyaꞌakaꞌan, isiyareg duꞌut pirisiꞌen it kiyaꞌpusan ngayti. Unupat naparagan it iꞌimnan ngayti, duꞌut ki Benjamin.

Genesis 44:3

Pagꞌeyag it aldaw, naꞌadlem nay sang sulsugan ngayti ka piyapanaw na sira, pati mga asno nira.

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

2 Corinto 8:8

Ega maat pagꞌurdinan ku kamu. Ipagsugid ku lamang it imyu in magꞌuꞌunu-unu i panabang it beken nga mga sulsug mi kat pamayaꞌ isaꞌun, in buwaten mi gasit imyu, sikayan masiguru in sang unu na talaga i kamatuudan it imyu nga kararas.