Genesis 44:1 - Tagbanwa

¹ Pagkakaꞌen, ipiyagtaꞌeg ni Jose it sarig-sarigan ya nga pamtangan nat pangaꞌen i mga sakuꞌ it mga taw ngayti, pangipnuꞌun. Baw inaat ya nga parabir taiꞌen, irgud naga duꞌun i kumpur ipiyamagbayad nira.

Genesis 44:1 Iomraidhean Croise

Genesis 24:2

Kaꞌsa, inaat yay sasari-sarigan yat kaꞌlay nga sarig-sarigan ya, nga iti i manigpamaalaꞌ it pamalay-balay baw muꞌsang kusas ya. Maat ya, uyun kat kanira nga kaꞌugaliꞌan, “Ipasirib muy pala-palad it alima mu sinit sirib it paꞌa ku ngayni, ka may ipasumpa ku it imu.

Genesis 42:25

Bawnga inaat ni Jose i mga taawan ya nga rugdan nat pangaꞌen i mga sakuꞌ it iting mga taw baw ibtang naga duꞌun i mga ibiyayad nira. Pabalunan paꞌ sira it kaꞌnen nira duꞌut dalan. Kumpur inaat ngayti ni Jose, siyunud nga muꞌsa it mga taawan ya.

Genesis 42:35

Ta, pagsigꞌukad nirat betang it sakuꞌ nira ngayti, duꞌun naga gasiꞌ i kanira ngayting ipiyagꞌalang. Pagkalteg nirat pirak nira ngayti, unupat pati si Jacob ngayti nga amaꞌ nira, miniꞌlam na gasiꞌ.

Genesis 43:16

Pagkalteg ni Jose it ki Benjamin, inaat yay sarig-sarigan ya nga magpamaalaꞌ duꞌut pamalay-balay ya, “Pabayaꞌen muy namagꞌabut ngaytu duꞌut balay. Iskat mu asat balay nga magsimpan it pangaꞌen baw pakarniꞌen mu sira it masdaꞌan ka sang kamiyan it itung mga taw i kumaꞌen mabway nga panramrag.”

Genesis 43:19

Aypaꞌ minlep sira duꞌut salakwatan ka inaat nira i sarig-sarigan ngayti ni Jose.

Genesis 43:2

Aypaꞌ iyan naꞌubus nay muꞌsang naꞌalang nira ngayti duꞌut Egipto nga pangaꞌen, maat siꞌ ni Jacob it mga anak ya ngayti, “Paꞌuliꞌ kamu siꞌ duꞌun ka mangalang kamu sit maski dekeyeꞌ nga pangaꞌen.”

Genesis 44:2

“Bawnga,” maat ya, “in duꞌun nat sakuꞌ it kiyaꞌpusan ngayan, ibtang mu duꞌun i iꞌimnan ku ngaytung pirak i binwat, nga uyut it kanya nga pirak nga ipiyagbayad yat kanya.” Siyunud nga muꞌsa it sarig-sarigan i kumpur ipiyagꞌaat ngaytit kanya.