Genesis 41:8 - Tagbanwa

⁸ Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.

Genesis 41:8 Iomraidhean Croise

Genesis 40:6

Pagꞌeyag pagrikisaꞌ siꞌ ni Jose it mga pagkakarguꞌun ya ngayti, naꞌanuꞌan yay duwa ngayti, maꞌlung i pagkinataw nira.

Genesis 40:8

Katubag sira, maat nira, “Namagpanagaynep kami baytu, temed egay magkasugid it amen it kaꞌulugan it mga tagaynep namen ngayti.” “Daꞌga baꞌ, Ampuꞌang Diyus lamang i magkapaꞌyag it kaꞌulugan it mga tagaynep?” maat ni Jose ngayti. “Ta, unu yay tiyagaynep mi ngayan?”

Genesis 41:15

Pagꞌabut ni Jose duꞌun, maat it adiꞌ, “Nanagaynep aku temed kadakel ngaytu, ega magkasugid nira i kaꞌulugan ya. Temed may nasibaꞌatan it talinga ku nga ikaw, basta ituturan lamang it imu i tiyagaynep, magkasugid mu i kaꞌulugan ya.”

Genesis 41:24

Maat tinlen it kuwayen ngayting mamagkayaꞌkaꞌ na i pitu ngayting kuway nga mabuburun. Itiyuturan ku naytu duꞌut mga makakaꞌrut nga mamimintuꞌ nga may mga kepetan, temed egay maski siyu nga magkasugid it aken in unuy kaꞌulugan kaytung tagaynep”.

Genesis 41:7

Unupat tinlen nat mga kuwayen ngayting magkayaꞌkaꞌ na i mga kuwayen ngayting mabuburun. Sikayti nasulag siꞌ i adiꞌ ngayti.

Exodo 7:11

Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti.

Exodo 7:22

Temed mga taawan it adiꞌ ngayti nga may mga kepetan, nasbungan niray iting binwat, aypaꞌ nagpategas pay adiꞌ ngayti. Ega nagpagneg kanya it ampang na Moises, subung nat inaat ngayti it AMPUꞌANG DIYUS.

Exodo 8:7

Temed mga may kepetan ngayti nga pagsarigan it adiꞌ, nasbungan nira nagay iting binwat, nakapatingdal naga sira it mga baꞌak.

Exodo 9:11

Mga may kepetan ngayti, ega na kaya niray ginawa nira it pakikita it ki Moises sabap pati sira, piyamagbageꞌan nang tanan, atnagay muꞌsang mga beken nga taga Egipto.

Daniel 1:20

Yay matuud, kat muꞌsang mga bagay nga iꞌabang it kanira, namuyaan it adiꞌ ngayti nga ega basta-basta i kasepsep it epat ngayti. Talagang daꞌeg paꞌ niray muꞌsang makakaꞌrut nga mamimintuꞌ baw manigmangmang duꞌun it kaꞌadiꞌan ya ngayti.

Daniel 4:18

Maat ku, ‘Itu naytuy tiyagaynep ku, Beltsasar. Kayti ipaꞌyag mut aken i kaꞌulugan ya. Ka egaytu nakapaꞌyag it aken it maski siyu it mga makakaꞌrut nga may kepetan situt kaꞌadiꞌan ku. Takaꞌ in ikaw, pagsisiguruun ku nga kapaꞌyag mut aken, sabap pagpanakman ka it mga ega basta-bastang mga diyus.’

Daniel 4:19

Ta, si Daniel ngayti, nga pagpangaranan na ngaytit ki Beltsasar, naꞌlay nga ega nakariꞌe-riꞌeng ka talagang nalibeg i pikir ya. Inaat ku kanya, ‘Beltsasar, ega naga palibegan mut pikir mu i tiyagaynep ku ngayan u kaꞌulugan ya.’ Katubag kanya, maat ya, ‘Agalen ku, sana mga kalaban mu i pagpaꞌiguꞌan it tiyagaynep mu ngaytu, baw kaꞌulugan ya, sana sira naga i abutun!

Daniel 4:5

Temed kaꞌsa, nga magbubuntul aku duꞌun it irigaꞌan ku, nanagaynep aku it kaiꞌlaman na nga panagaynep. Talagang nalibegan it pikir ku i naltegan ku ngayti.

Daniel 4:6

Aypaꞌ binwat ku, ipiyatawag ku i muꞌsang mga makakaꞌrut nga may kepetan situt Babilonia ngaytu, ka isaꞌun kapaꞌyag nira i kaꞌulugan it tiyagaynep ku ngayti.

Daniel 4:7

Natiꞌmes i muꞌsang mga makakaꞌrut nga mamimintuꞌ, mga manigmangmang, mga mamimintuꞌ nga manigpaꞌyag it tagaynep baw mga may pananamayaꞌ. Itiyuturan kut kanira i tiyagaynep ku ngayti temed daꞌsira nakapaꞌyag it kaꞌulugan ya.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.

Mateo 2:1

Piyanganakan it ki Jesus ngayti, duꞌun it Betlehem nga sakep it Judea, timpu nga si Herodes i adiꞌ nga magsasakep duꞌun. Ega naꞌlay nga timpu, may miyabut duꞌun it Jerusalem nga mga mapipikir nga mga mamimintuꞌ, nga garing kat lebatan nga ayun.

Mga Binwat 17:18

Temed, ega naꞌlay, biyatir kanya it pirang kataawan nga kaꞌuyutan it mga Epicureo baw mga Estoico. May miyaat nga, “Bilaꞌ! Siyu baytung taw nga magpamatul-batul ngaytut manulduꞌ? Ega bay kasepsep yang sadili. Pagguruun ya lamang duꞌut beken.” Temed maat it beken, “Subuk belag siꞌ nga piyakadiyus i ipagpanulduꞌ ya ngaytu.” Pagꞌaaten niray atkayti ka nagnegan nira i panulduꞌ ni Pablo pasar it ki Jesus baw pagꞌegen ya ngaytit paꞌuliꞌ.

Mga Binwat 7:22

Aypaꞌ, pagdakulaꞌ ni Moises ngayti, tiyulduꞌan kanya it muꞌsang inadalan it mga mapipikir nga taga Egipto. Mabantug kanya kat pangangampangan baw buwat.

1 Corinto 1:19

Sabap magsusurat nga lagi i ampang it Ampuꞌang Diyus nga magꞌaat, “Ranggaꞌen kuy pasepsep it mga mapipikir. Eeꞌ baꞌ, pabaraꞌen ku nga egay kakapulusan it mga pasepsep it maat mga makakaꞌrut.”