Genesis 41:4 - Tagbanwa

⁴ Ta unupat iti, magagayen ngayting pamimilugan it mga bakaꞌ ka matatabaꞌ, piyagteped-tepedan nat maniniwang ngaytit kumaꞌen! Sikayti nasulag i adiꞌ ngayti.

Genesis 41:4 Iomraidhean Croise

Genesis 41:2

May naltegan ya nga naningdal nga pitung batu nga bakaꞌ nga magagayen i pamilug baw matatabaꞌ. Namagpangaꞌen it dikut nga magtutubuꞌ duꞌut tambing it danum ngayti.

Genesis 41:3

Ega naꞌlay may naningdal siꞌ duꞌut danum ngayti nga pitu nagang kabakaꞌan. Maraꞌway nang pagletganan i mga iti ngayti ka ereꞌeret nang kaniniwang. Yapaꞌ patinde-tindeg sira ka duꞌut tepad it matatabaꞌ ngayti.

Genesis 41:5

Pagkaꞌigaꞌ siꞌ it adiꞌ ngayti, nanagaynep siꞌ. Maat siꞌ i tagaynep ya, magleteg siꞌ kanya it magbubugwas nga tirigu nga pitung kuway. Magayen nga magayeng pagletganan ka talagang mabuburun, lamang atkayti esa-esa i giꞌteng ya.

1 Mga Adiꞌ 3:15

Sikayti nasulag na si Solomon. Pagkasulag ya, natantuwan ya nga piyakisugi-sugidan kanya it Ampuꞌang Diyus duꞌun it tiyagaynep ya ngayti. Pagkaꞌuliꞌ ya duꞌun it Jerusalem, naꞌaduꞌun kanya it sarungaan it Kaban ngaytit Pakiꞌupakat ka nagbuwat kanya it ipagsamba nga pagꞌantengen baw pasalamat nga pagsamba nga may pagꞌantengen gasiꞌ. Bawnga nagpasimpan kanya it dakulaꞌ nga pagkaraꞌnen ka piyasagya ya i muꞌsang mga taawan ya.