Genesis 41:1 - Tagbanwa

¹ Nagtaꞌlib i duwa na nga taꞌun, nanagaynep i adiꞌ ngayti. Tagaynep ya, magtitindeg maat kanya duꞌut tambing it danum it Nilo.

Genesis 41:1 Iomraidhean Croise

Genesis 20:3

Temed pagdelem piyatagaynep it Ampuꞌang Diyus i adiꞌ ngayting si Abimelec. Magpaꞌa-paꞌaat, “Sabap it binwat mu ngaytu, siguradung matay ka, ka magꞌaꞌasawa yan i babay ngayan nga ipiyapisiꞌ mu.”

Genesis 28:12

Pagkaꞌigaꞌ ya, nanagaynep. Tagaynep ya, magleteg kanya it agdan nga magtetengkad duꞌut lugtaꞌ, magꞌaꞌabut duꞌut langit. Duꞌut agdan ngayti mapyat lumampud i mga anghil it Ampuꞌang Diyus.

Genesis 29:14

maat ni Laban, “Matuud yan. Kuꞌkup ku yay inaꞌ mu ngayan, sagpun kut inaꞌ, amaꞌ, aypaꞌ ikaw ngaytu, kamanaken ku nga banar.” Ta it atkayti, duꞌun nay tiyaꞌidan ni Jacob it mga amayan ya ngayti, seledat sang bulan.

Genesis 31:21

Aypaꞌ panaw nira ngayti, subuk palagyu. Uyut yat napanaw ngayti i muꞌsang kusas ya. Pamanaw nira, dimnipag it danum it Eufrates bawnga naꞌaduꞌun it Bukid it Galaad.

Genesis 40:23

Temed ta, manigpamaalaꞌ ngaytit pagꞌimnun it adiꞌ, ega nay demde-demdem ya it tabangen ya si Jose, in daꞌga, linipatan ya na.

Genesis 40:5

Ta kaꞌsang delem, namagpanagaynep i mga pagpipirisuun ngayting manigpamaalaꞌ it pagꞌimnun it adiꞌ baw pagbayaꞌen it mga manigbuwat it tinapay ya. Nanganya-kanya sirat tiyagaynep, lamang nagsagpun it delem i pagpanagaynep nira ngayti. Ega naga nagsubung i kaꞌulugan it tiyagaynep nira.

Genesis 41:2

May naltegan ya nga naningdal nga pitung batu nga bakaꞌ nga magagayen i pamilug baw matatabaꞌ. Namagpangaꞌen it dikut nga magtutubuꞌ duꞌut tambing it danum ngayti.

Exodo 1:22

Ta it atkayti, ipiyagꞌurdin na it adiꞌ it muꞌsang mga sinakepan ya, nga magꞌaat, “Iyan kada lalaki nga ipanganak it mga Hebreo, ibuntal mi duꞌun it danum it Nilo. Takaꞌ in babay, pataꞌnan mi lamang nga egen sira.”

Exodo 4:9

Takaꞌ in daꞌsira paꞌ magpamayaꞌ it imu u pagneg it imu, sumaꞌgeb ka it danum it Nilo, bawnga ilamaꞌ mu asat lugtaꞌ. Danum ngayan, magbalyu yan nga duguꞌ.”

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”