Genesis 40:2 - Tagbanwa

² Ta paribasay may dakulang inisgan it adiꞌ it duwa ngayting manigpamaalaꞌ,

Genesis 40:2 Iomraidhean Croise

Genesis 40:1

Kat iting timpu, may napirisu nga duwang kataawan nga mataꞌas i katengdanan nira duꞌut pamalay-balay it adiꞌ ngaytit Egipto, ka may binwat nira nga ega napakay it adiꞌ ngayti. Esa, katimbang ya naga nga manigpamaalaꞌ it pagꞌimnun ya. Iyan esa, pagbayaꞌen it mga manigꞌilutuꞌ it tinapay nga pagkaꞌnen it adiꞌ ngayti.

Genesis 40:21

Ipiyaꞌuliꞌ ya siꞌ i manigpamaalaꞌ ngaytit pagꞌimnun ya kat katengdanan ya nga lagi, aypaꞌ ipiyakawaꞌ ya sit adiꞌ ngayti i iꞌimnan ya nga ipagpakawaꞌ yat kaꞌlay.

Genesis 40:23

Temed ta, manigpamaalaꞌ ngaytit pagꞌimnun it adiꞌ, ega nay demde-demdem ya it tabangen ya si Jose, in daꞌga, linipatan ya na.

Genesis 41:10

Iyan tagnaꞌ ngayti nga duwa kami nga manigsirbi mu, inisgan mu, pinirisu mu ngayan kami duꞌut balay it kapitan it mga guwardiya, duwa kami ngayan it pagbayaꞌen it mga manigbuwat it tinapay mu.

Mga Binwat 12:20

Iyan duꞌun na kanya it Cesarea ngayti, may miyabut nga mga taw nga garing duꞌun it Tiro baw Sidon. Talaluꞌ talagay iseg ni Herodes it duwa ngayting kabanwaan. Aypaꞌ, paribasay duꞌut banwa ni Herodes i pagpanggaringan it kadakulaꞌat pangaꞌen it mga taga Tiro baw Sidon, napagꞌupakatan nira nga paꞌaduꞌut ki Herodes ngayti ka mangut it kaꞌayusan duꞌut kanya. Pagꞌabut nira, iniba-iba niray sarig-sarigan ni Herodes nga magpamaalaꞌ it mga taawan ya. Ngaran ya, si Blasto. Piyatabang na kanyat mga taga Tiro baw Sidon ngaytit mupakat it adiꞌ nga, in mapakay, magkagayen na sira.