Genesis 4:8 - Tagbanwa

⁸ Ta may esang aldaw nga diyaran ni Cain i ariꞌ ya nga si Abel it nagpaꞌuma. Ta napanaw na sira. Iyan duꞌun na sirat uma, egay beken inimatay ya na.

Genesis 4:8 Iomraidhean Croise

Genesis 4:25

Nagbeteng siꞌ si Eva ngayti nga asawa ni Adan, sumakit lalaki. Piyangaranan ya, si Set, ka maat ya, “Binggayan aku nagat Ampuꞌang Diyus it anak nga lalaki nga ganti ni Abel nga inimatay it akaꞌ ya nga si Cain.”

2 Cronica 21:4

Esa paꞌ nga karaꞌe-raꞌetan nga binwat ni Joram ngayti pagkasubli yat pagkaꞌadiꞌ, siyari yat paꞌimatay it tarep basiꞌ i mga sulsug ya baw beken nga mga magpamaalaꞌ nga may katengdanan duꞌun it Juda ngayti, isaꞌun subraꞌ nga masiguru ya i pagꞌadiꞌ ya.

Nehemias 6:2

Aypaꞌ, binwat na Sanbalat, duwa ni Gesem, inimbitar nira aku nga pakikita akut kanira duꞌun it esang baryu nga duꞌun it daranasan it Ono, ka may sugi-sugiden namen. Temed magkaꞌrutan kuytu nga esang akal nira it aken isaꞌun mapasakitan nira aku.

Mateo 23:35

Ta, sabap it itu ngaytu, mabut it imyu i panriga sabap it muꞌsa ngaytung inimatay nga mga taw situt sinirungat langit nga mataldeng kat panleteg it Ampuꞌang Diyus, gimnaring duꞌun it mataldeng ngayti nga si Abel nga uꞌna-uꞌnang inimatay it tagnaꞌ paꞌ, miyabut duꞌun it pagꞌimatay it ki Zacarias nga anak ni Baraquias, nga inimatayan mi nga mga Judio it kanya, duꞌun it piyagtengaꞌan it kabalayan it Templo baw papangantengan nga duꞌun it piyakakamaꞌyagan ya.

Lucas 11:51

nga gimnaring duꞌun it ki Abel nga uꞌna-uꞌnang inimatay it tagnaꞌ paꞌ, miyabut duꞌun it pagꞌimatay it ki Zacarias, nga inimatayan it kanya, duꞌun it piyagtengaꞌan it kabalayan it Templo baw papangantengan nga duꞌun it piyakakamaꞌyagan ya. Eeꞌ baꞌ, matuud i ipagꞌaat ku ngaytut imyu, nga kamung mga Judio it kayting timpu i abutun it panriga sabap it muꞌsa ngaytu.

Lucas 22:48

Temed kaꞌampang si Jesus, maat ya, “Unuytu, Judas, pagꞌarkan mu aku nga Taga Langit nga Ipiyanganak it Taw ka, tandaꞌ ngaytut pagmaꞌal, ipagpakilala mu aku kat mga kudakep ngayat aken?”

Hebreo 11:4

Ka panawun it pikir mi i mga taw it tagnaꞌ nga siyagyaan it Ampuꞌang Diyus. Alimbawa si Abel. Sabap it pamayaꞌ ni Abel ngayti it Ampuꞌang Diyus nagbuwat kanya it panalisi nga pasalamat nga ipiyabetang it Ampuꞌang Diyus nga subraꞌ pang magayen it ki Cain nga pasalamat. Aypaꞌ, ipiyamatuud it Ampuꞌang Diyus nga, si Abel ngayti, mataldeng nga taw. Kamatuudan, tiyanggap ya i kanya nga pasalamat. Kayti, maski maat naꞌlay na nga patay si Abel ngayti, dakulay ipagtulduꞌ it aten it pamayaꞌ yat Ampuꞌang Diyus.

Hebreo 12:24

Talagang aten nga piyatpadan, si Jesus, nga kanya i nagpapaꞌgen it Baꞌgu ngaytung Pakiꞌupakat, baw duguꞌ ya nga subuk ipiniꞌtik yat aten. Yay subrang may kapulusan, subraꞌ paꞌ it duguꞌ ngayti ni Abel nga magꞌangut lamang it kablesan.

Judas 1:11

Talagang ipagkapanriꞌsu nat tiꞌdun i mabetangan it itu nga mga taw, sabap ega piyasyangan nira i dalan it karaꞌe-raꞌetan nga siyunud ni Cain. Subung gasiꞌ sirat ki Balaam, ka basta lamang kapisiꞌ it pirak, marway mamagpakursud sirat beken kat kasalaꞌan. Masutil sira, subung it ki Core nga nagpakidaꞌeg it ki Moises. Si Core ngayti, inukumanan kanyat panriga nga mabeꞌgat nga banar. Ta atkayan nagay itung mga taw, ka siguradung rigaen sirat ega makatindeg.