Genesis 4:7 - Tagbanwa

⁷ In beteꞌ magayen i pagbuwaten mu, daꞌga baꞌ sagyaan ku gasiꞌ ikaw? Temed in ega ireg mu nga muwat it magayen, magꞌindadangep it kasalaꞌan. Sabap kasalaꞌan, subuk ramu-ramu nga magꞌaꞌapaꞌ nga kuturikeb it imu. Talagang pagtiꞌsen ya ikaw. Temed kaꞌilangan paꞌere-eres ka nga indaꞌegen mu kanya.”

Genesis 4:7 Iomraidhean Croise

Genesis 19:21

Maat i tubag it anghil ngayti, “Ta in atkayan nga paꞌildaw-ildaw mu, sanguꞌan ku naga ikaw nga ega ranggaꞌen ku i lansangan ngayting paꞌaaten mu.

Genesis 3:16

Bawnga siyarunga ya siꞌ i babay ngayti baw inaat ya, “Padaklen kuy kakuriꞌan mut magpanganak. Kada manganak ka, rumuruꞌ kat dakulang sakit. Takaꞌ maski atkayan, dakulaꞌ nagay kayli mut asawa mu, baw pagsasakpen ya ikaw nga kanya i pagbayaꞌen mu.”

Mga Binwat 10:35

In daꞌga, maski unung bangsat taw, basta maggalang it kanya it may iꞌlam baw magbuwat it mataldeng kat panleteg ya, magkapakay yang muꞌsa.

Roma 12:1

Aypaꞌ kayti, mga kasulsugan ku, sabap it ega basta-basta ngaytung kaꞌildaw it Ampuꞌang Diyus it aten, may isasar kut kadakel mi. Buwaten mi na i sadili mi nga subuk salisi nga ipagsamba duꞌun it Ampuꞌang Diyus. Ega maat paꞌimatay in daꞌga iꞌintergaꞌ mi na duꞌut kanya i muꞌsang pangaꞌgenan mi nga magsugid nga mga taawan ya na kamu, mga taw nga pagsagyaan ya nga pirmi ka magpangaꞌgenan na nga alaid kat muꞌsang kasalaꞌan. Atkaytuytu i matuud nga pagsamba it kanya nga bagay it dakulang kaꞌildaw ya ngaytut aten.

Roma 14:18

Basta atkayan i pagsirbi tat ki Cristo talagang pagsagyaan ta it Ampuꞌang Diyus baw pagdaya-dayawun it masigkataw.

Roma 15:16

nga binwat ya aku nga manigsirbi ni Cristo Jesus kat ikagayen it mga taw nga ega Judio. Kabilangan ku ngaytu, subung akut sasirduti nga magpangadal it Magayeng Baritaꞌ garing duꞌut Ampuꞌang Diyus isaꞌun, mga taw nga ega Judio, mabwat sira nga subuk pasalamat nga ipagbegay duꞌun it kanya, pasalamat nga masagyaan ya sabap binwat sira it Espiritu Santo nga mapakay na nga tanggapen ya.

Roma 6:12

Mga bilug ta, pirmi nga kubwat it karaꞌe-raꞌetan. Aypaꞌ, kaꞌilangan, daꞌkamu na paꞌuripen paꞌ it kasalaꞌan nga pagsumbayaꞌen mi nga pirmi i mararaꞌe-raꞌet ngaytung kaꞌirgan.

Roma 6:16

Daꞌga baꞌ magkaꞌrutan mi nga in siyuy paꞌuripnan ta, kat pudir ya na kitang banar? In muwat tami nga muwat it kasalaꞌan, subuk uripen tami na it kasalaꞌan ngaytu. Baw egay beken nga liꞌwan ya, kamataynen. Iyan talagay magayeng paꞌuripnan ta, pagsunud it kaꞌirgan it Ampuꞌang Diyus, nga liꞌwan ya, pangaꞌgenang mataldeng kat panleteg ya.

Efeso 1:6

Aypaꞌ ega nay kaskedan it pagbantug tat kanya sabap it ega basta-basta ngaytung ildaw ya nga ibinggay yat begay-matag, nga maꞌaten sabap it binwat ni Jesu-Cristo nga pagmaꞌa-maꞌalen ya nga banar.

1 Timoteo 5:4

Takaꞌ in beteꞌ balu ngaytu, may anak baw mga apuꞌ ya, kaꞌilangan siray mepet it giyaringan nira ngaytu. Kaꞌilangan iyan i uꞌna-uꞌnang pagꞌugaliꞌen it mga magpamayaꞌ, pagꞌarigraen it magayen i mga giyaringan nira ka talagang pagsagyaan tu it Ampuꞌan. Ka pagtumbasan niray pagꞌepet ngaytut kanira.

Hebreo 11:4

Ka panawun it pikir mi i mga taw it tagnaꞌ nga siyagyaan it Ampuꞌang Diyus. Alimbawa si Abel. Sabap it pamayaꞌ ni Abel ngayti it Ampuꞌang Diyus nagbuwat kanya it panalisi nga pasalamat nga ipiyabetang it Ampuꞌang Diyus nga subraꞌ pang magayen it ki Cain nga pasalamat. Aypaꞌ, ipiyamatuud it Ampuꞌang Diyus nga, si Abel ngayti, mataldeng nga taw. Kamatuudan, tiyanggap ya i kanya nga pasalamat. Kayti, maski maat naꞌlay na nga patay si Abel ngayti, dakulay ipagtulduꞌ it aten it pamayaꞌ yat Ampuꞌang Diyus.

Santiago 1:15

Ka basta sumbayaꞌen i sadiling kaꞌirgan nga maraꞌway, liꞌwan ya kasalaꞌan na. Baw in nakaꞌsi manay kasalaꞌan, egay beken nga tanaꞌan ya, kamataynen nga egay kaskedang panriga.

1 Pedro 2:5

Ta it magpasakep kamu na duꞌut kanya, ibinggay yat imyu nga nabaꞌgu i pangaꞌgenan mi, baw kabilangan mi gasit imyu, mga lininuꞌ nagang batu nga paggamiten it Ampuꞌan nga buwat-buwat it ipagpatindeg ya nga papagsambaan nga balay it Ampuꞌang Diyus. Pagbuwaten ya gasiꞌ kamu nga subuk mga sasirduti nga nasiguru na nga kat Ampuꞌang Diyus. Takaꞌ imyu nga ipagsamba, pagsirbi baw pagbantug mi it kanya, nga pagsagyaan ya sabap it binwat ni Jesu-Cristo.