Genesis 4:2 - Tagbanwa

² Pagpanganak nira siꞌ, lalaki naga. Si Abel i ipiyangaran. Pagdakulaꞌ it duwa ngayti, si Abel, manigꞌeper it mga ayep nira. Si Cain, yay kanyang naꞌirgan, manigꞌuma.

Genesis 4:2 Iomraidhean Croise

Genesis 3:23

Aypaꞌ piyalꞌid nat AMPUꞌANG DIYUS na Adan ngayti duꞌut kalulwakan ngayti nga duꞌut Eden, nga uripen na it pangarigra it lugtaꞌ, nga lugtaꞌ naga i pinsiꞌan it kanya, iyan giyuna kanyat Ampuꞌang Diyus.

Genesis 37:13

Inaat ni Israel si Jose, “Daꞌga adeꞌdeng nat Siquem i mga sulsug mu nga magꞌeper it mga ayep ta? Ta napikir ku, papanawun ta ikaw nga manundug it kanira.” “Eeꞌ,” maat ni Jose.

Genesis 4:1

Ta, paribasay nagꞌasawa na Adan, duwa ni Eva, ega naꞌlay bawnga dimnarugmatiꞌ na si Eva ngayti. Sumakit i beteng ya ngayti, lalaki. Piyangaranan yat ki Cain ka maat ya, “Nanganak akut lalaki kat ildaw it AMPUꞌANG DIYUS.”

Genesis 4:3

Iyan naꞌlay na, nagbuwat si Cain it pasalamat ya duꞌun it AMPUꞌANG DIYUS. Giyamit ya, garing na kat mga luwak ya.

Genesis 47:3

Iningkut sira it adiꞌ, “Unuy panulus mit imyu?” Maat i tubag nira, “Unu baꞌ, kagalang-galang it imu, manigꞌeper kami baytut ayep, subung kami nagat kagiyaringanan namen.

Genesis 9:20

Gimnaring it iting timpu, manigꞌuma siꞌ si Noe, baw kanyay uꞌna-uꞌnang nakalwak it luwak nga pagpangaranat ubas.

Exodo 3:1

Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus.

Lucas 11:50

Aypaꞌ kat pabetang-betang it Ampuꞌang Diyus, mabut it imyu i panriga sabap it muꞌsa ngaytung mga inimatay nga prupitaꞌ garing it pagguna it banwa,

Lucas 11:51

nga gimnaring duꞌun it ki Abel nga uꞌna-uꞌnang inimatay it tagnaꞌ paꞌ, miyabut duꞌun it pagꞌimatay it ki Zacarias, nga inimatayan it kanya, duꞌun it piyagtengaꞌan it kabalayan it Templo baw papangantengan nga duꞌun it piyakakamaꞌyagan ya. Eeꞌ baꞌ, matuud i ipagꞌaat ku ngaytut imyu, nga kamung mga Judio it kayting timpu i abutun it panriga sabap it muꞌsa ngaytu.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 3:12

Daꞌtami pasbung it bilang anak ngayti ni Satanas nga si Cain, kanya nga minimatay it sulsug ya. Ta, unuka inimatay ya? Sabap it maraꞌe-raꞌet i buwat yat kanya, temed mataldeng kat panleteg it Ampuꞌang Diyus i buwat it sulsug ya. Aypaꞌ ka inisgan ni Cain i sulsug ya ngayti.

1 Juan 3:15

Ka in siyuy magpakitabug it sulsug ya kat pamayaꞌ, subung paꞌ kanya it mangingimatay it masigkataw ya. Daꞌga baꞌ magkaꞌrutan mi na nga, in siyuy mangingimatay ngaytut masigkataw ya, talagang egay kaꞌgenan yang egay kaskedan?