Genesis 4:14 - Tagbanwa

¹⁴ Ka ungaytu, pagꞌimugawun mu na aku situt lugtaꞌ ngaytung urumaan, baw ega na mapakay nga kat adapan mu paꞌ aku. Magbaraꞌ aku na ngaytung lemelꞌag. Barang bilaꞌ it atkaytu nay kabetangan ku, siyu-siyuy kaparag it aken, imatayen aku na.”

Genesis 4:14 Iomraidhean Croise

Genesis 3:24

Egay beken, inimugaw na sira. Pagkalꞌid nira, bintangan it AMPUꞌANG DIYUS i ayun duꞌut lebatan it kalulwakan ngayti it pagpangaranat kerubin nga bilang guwardiya, baw may subung it karis nga magdeleg i tarem ya nga magꞌebeg nga pirmi isaꞌun ega na malapasan i dalan nga magꞌaduꞌut kayu ngayting magpaꞌabwatay it kaꞌgenan.

Genesis 4:13

Maat i tubag ni Cain it AMPUꞌANG DIYUS, “Abaa, dakulaꞌ nang banar i tiksaꞌ mut aken. Subuk ega na makayaan ku.

Mateo 25:41

Bawnga aaten ku siꞌ i kat gibang ku ngaytung ayun, ‘Imyu, paꞌalaid kamu situt aken, mga pagꞌaꞌargan it panriga. Duꞌun kamu na it apuy nga ega magpugda-pugdaw, nga panriga nga ipiyagꞌareg it ki Satanas baw mga taraꞌgen ya.

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

2 Tesalonica 1:9

Talagang panriga it kanira, egay kaskedan nga kakuriꞌan, nga manupusan nang beblag nira it Ampuꞌan baw kabantugan it guna ya.